သတိနဲ့ပြောပါဒေါသကိုနားလည်ပါအလုပ်တွင်မွေ့လျော်ခြင်း

အကျဉ်းချုပ်

ကိုယ့်ဘဝမှာ နေ့စဉ်ကြုံတွေ့နေရတဲ့ ရိုးရိုး ကိစ္စလေးတွေကို သဘောထာ။ မှန်မှန်နဲ့ လုပ်နိုင်မှ စိတ်ချမ်းသာမယ်၊ အဆင်ပြေမယ်။ ကိုယ်နဲ့ နေ့စဉ် တွေ့နေရတဲ့လူတွေကို အကောင်းဆုံးစိတ်ထားနဲ့ ဆက်ဆံနိုင်မှ ကိုယ့်အတွက်ရော အများအတွက်ပါ အဆင်ပြေမယ်။နေ့တိုင်း လူတွေနဲ့ တွေ့နေကြတယ်။ စကားပြောနေကြတယ်။ နေ့တိုင် အလုပ်လုပ်နေကြတယ်။ အဆင်မပြေမှုတွေ အလိုမကျတာတွေကို နေ့တိုင်း အနဲနဲ့အများ တွေ့နေရလို့ စိတ်တိုမိတယ်၊ ဒေါသဖြစ်မိတယ်။ ဒါတွေကို သတိနဲ့ ဉာဏ်နဲ့ ကြည့်ပြီးတော့ သိပြီးတော့ ယူတတ်ရင် ကိုယ့်ကိုယ်ကို ကိုယ် ပိုပြီး သဘောထားကြီးတဲ့သူ၊ သဘောထားပြည့်တဲ့သူ၊ မျှတတဲ့သူ၊ နားလည်တဲ့သူ၊ သည်းခံတတ်တဲ့သူ ဖြစ်အောင် လုပ်နိုင်တယ်။ အဲဒါမှ ပိုပြီး အဆင့်မြင့်တဲ့ လူတစ်ယောက် ဖြစ်လာမယ်။ အဲဒါဟာ ကျေနပ်စရာအကောင်းဆုံးပဲ။သင်ဘာဖြစ်လာတယ်ဆိုတာထက် သင်ရရှိတဲ့အရာက ပိုအရေးကြီးတယ်။ကိုယ် ဘာကိုရတယ် ဆိုတာထက် ကိုယ် ဘယ်လိုလူ ဖြစ်လာတယ် ဆိုတာက ပိုပြီး အရေးကြီးပါတယ်။လူတွေဟာ ကိုယ်လိုချင်တာရဖို့ အာရုံစိုက်ပြီး လုပ်ရင်းနဲ့ ကိုယ် ဘယ်လိုလူဖြစ်လာတယ်ဆိုတာကို သတိမထားမိတော့ဘူး။ ကိုယ်လိုချင်တာရဖို့ မတရားတဲ့နည်းတွေနဲ့လုပ်ရင်း ကိုယ်ဟာ မတရားတဲ့သူ၊ မရိုးသားတဲ့သူ ဖြစ်လာတယ်။