ခန္ဓဝဂ္ဂသံယုတ် အဌကထာနိဿယ (တတိယအကြိမ်)

အကျဉ်းချုပ်

ကျမ်းစာများကို ထုတ်ဝေဖို့ရန် ဦးလှည့်လာသော သူ့အသိဉာဏ်နှင့် ဖြူစင် သန့်ရှင်းသော စေတနာ, သဒ္ဓါတရားတို့ကို အလေးထားမိပါ၏။ သူ့ရည်ရွယ်ချက်နှင့် ဓမ္မဒါနပြုရခြင်း၏ အကြောင်းကို ဤနေရာ၌ အထူး မဖော်ပြတော့ပါ၊ သူ၏အမှာစာ (နိဒါန်း) ၌ပင် ရှုစားစေချင်ပါ၏၊ ဆရာတော် ဘုရားကြီး မိန့်တော်မူခဲ့သည့် “စာအုပ် ပြန်မရိုက်ဖြစ်တောင်မှ” ဟူသော မိန့်ကြား ချက်ကား ယခုအခါ မွန်မြတ်သော စေတနာရှင် ဆရာဝန်၏ ထက်သန်သော သဒ္ဓါစွမ်းအားကြောင့် ရှေးဟောင်း “ခန္ဓဝဂ္ဂသံယုတ်အဋ္ဌကထာနိဿယ”သည် အသွင်သစ်ဖြင့် စာအုပ်အဖြစ်သို့ ရောက်ရှိလာခဲ့ပါသည်၊ သာသနာတော် အတွက်, အများအကျိုးအတွက် ရည်ရွယ်ချက်မှန်မှန်ဖြင့် ကြိုးစားအားထုတ်မည် ဆိုလျှင် တန်ဖိုးရှိ၍ တန်ဖိုးကိုသိသော စေတနာရှင် ဆရာဝန်ကဲ့သို့သော ဓမ္မဒါန အလှူရှင်များ ဆက်ကာ ဆက်ကာ ပေါ်ထွက်လာ၍ ဓမ္မစေတီများကို တည်ထား ပူဇော်နေကြဦးမည်သာ ဖြစ်ပါသည်။