ကျွန်မချစ်သော ယောက်ျားများ

ဂျူး၏ "ကျွန်မချစ်သော ယောက်ျားမျာ" စာအုပ်သည် လူသားတို့၏ စိတ်အခြေအနေ၊ လူမှုပတ်ဝန်းကျင်နှင့် ဘဝအတွေ့အကြုံများကို နက်နက်နဲနဲ ပုံဖော်ထားသည်။ စာအုပ်တွင် "ကြိုး"၊ "ကျောက်တုံးများရဲ့ ရာဇဝင်"၊ "တတိယမြောက်ညနေခင်း" နှင့် "ကျွန်မချစ်သော ယောက်ျားများ" အစရှိသည့် ဝတ္ထုတိုပေါင်း (၁၇) ပုဒ်ပါဝင်ကာ ဇာတ်လမ်းတစ်ခုချင်းစီတွင် လူသားတို့၏ ခံစားချက်၊ အတိတ်နှင့် ပစ္စုပ္ပန်ကြားက ပဋိပက္ခများကို အသေးစိတ် ရေးသားဖော်ပြထားသည်။ အဖွင့်ဝတ္ထုဖြစ်သော "ကြိုး" တွင် ငယ်စဉ်က ဆင်းရဲသော်လည်း ပျော်ရွှင်ခဲ့ရသည့် ကလေးတစ်ယောက်၏ အမြင်မှတစ်ဆင့် ဘဝတွင် တွေ့ကြုံရသည့် ရုပ်ဝတ္ထုဆိုင်ရာနှင့် စိတ်ပိုင်းဆိုင်ရာ အနှောင်အဖွဲ့ (ကြိုး) များအကြောင်းကို တင်ပြထားသည်။ စာရေးသူသည် ငယ်ဘဝ၏ ရိုးရှင်းသော ပျော်ရွှင်မှုများ၊ လူကြီးဘဝတွင် ကြုံတွေ့ရသည့် ငွေကြေးနှင့် တာဝန်ဝတ္တရားများကြားက စိတ်ပျက်ငြီးငွေ့မှုများကို နှိုင်းယှဉ်ပြရင်း ဘဝ၏ အဓိပ္ပာယ်နှင့် အကျိုးအကြောင်းဆက်စပ်မှု ပဟေဠိများကို စာဖတ်သူအား အတွေးပွားစေရန် ရေးသားထားခြင်းဖြစ်သည်။