စာမျက်နှာ ၁၆

ကျွန်တော် ကံကောင်းချင်တော့ ထိုစာမျက်နှာ (၁၆) ဝတ္ထုကို ဒါရိုက်တာမီးပွားက “မျက်စိထပ်မံကျပြီး”ဗီဒီယိုရိုက်ရန် ဝယ်ယူခဲ့၏။ “မျက်စိ ထပ်မံကျသည်”ဟု သုံးရတာက ယင်းမတိုင်ခင် ကျွန်တော်၏ဝတ္ထု “အကြွေး” ကို သူပင် ရိုက်ကူးခဲ့ရာ ကျော်ဟိန်းတစ်ခေတ် ပြန်ဆန်းသစ်ခဲ့သောကြောင့် ဖြစ်၏။ စာမျက်နှာ (၁၆) ကိုလည်း ကျော်ဟိန်းနှင့်ပင် ရိုက်ကူးခဲ့ရာ အောင် မြင်ပြန်သည်။ “အကြွေး” ကိုတော့ မမီချေ။

ယင်းအချက်အလက်များသည် ဤဝတ္ထု၏ ထူးခြားတိုက်ဆိုင်မှုများပင်။ ပထမအကြိမ် ထုတ်ဝေပေးခဲ့သော “ဆောင်းသဇင်”စာပေတိုက်နှင့် ယခုတစ်ကြိမ် ထပ်မံထုတ်ဝေပေးသော (ရန်အောင်) စာပေတိုက်တို့ကို ကျေးဇူးအထူးတင်ရှိပါသည်။ ယင်းစာပေတိုက် ကိုယ်စားပြုသူမှာ ဆရာကြီး ဦးရန်အောင်၏သမီး နီနီအောင်နှင့် သမက်ဖြစ်ပါသည်။

အဖေဆရာသာဓုကိုကား သီးသန့်ကျေးဇူးတင်စရာ မလိုပါ။ အဖေ သည် ကျွန်တော်၏အမြဲတမ်းကျေးဇူးရှင်ကြီး။