စာတမ်းနှင့် ဆောင်းပါး ၁၈ စောင်

ကျွန်တော် ပြောခဲ့တာတွေဟာ ရှာဖွေတွေ့ရှိရသမျှ အထောက်အထားတွေနဲ့ မူတည်ပြီး ပြောခဲ့တာတွေပါပဲ။ ကျောက်ခေတ်သစ်က လူမှုအသုံးအဆောင် အတော်များများ ရှိနေပါပြီ။ အခုလို ကျောက်လက်နက်တွေသာ ရှိတာ မဟုတ်ပါဘူး။ ဗမာမြေပြင်က ကျောက်ခေတ်သစ်ပစ္စည်းဖြစ်တဲ့ အဝတ်အထည်၊ အလှအပတန်ဆာ၊ ကိုးကွယ်ယုံကြည်မှု ဆိုင်ရာ ရုပ်ထုကြီးငယ်၊ အဆင်အကွက် အပြောက်အမွမ်းနဲ့ အိုးခွက်၊ လှေ၊ လှည်းဆိုတာ မျိုးတွေ မတွေ့ဖူး၊ မမြင်ဖူးရသေးပါ။ ဒါတွေ လူထုက နိုးကြားပြီး ရှာဖွေသတင်းပေးကြ မယ်ဆိုရင် ကျောက်ခေတ်ဆိုတဲ့ အရင်အနှစ်လေးသိန်းက အရင်အနှစ် နှစ်ထောင်အထိကို အခု ကျွန်တော် ပြောတာထက် အများကြီးစုံအောင် ချဲ့ထွင်ပြောနိုင်ဖို့ ရှိပါတယ်။