သံပေါက်ပင်လယ်

““သံပေါက်””ဆိုသည်နှင့် မုံရွာ လယ်တီတိုက်ကို ရှေးဦးစွာ သတိရလိုက် မိသည်။ မဟာသုတဒီပနီကျမ်းပြုအရှေ့လယ်တီတိုက်ဆရာတော် ဘဒ္ဒန္တကုဏ္ဍလ (အဂ္ဂမဟာပဏ္ဍိတ) ဆရာတော်ကြီးက မိမိ ၁၃ နှစ်သားရွယ်တွင် သံပေါက်စပ် နည်းကို သင်ကြားပေးခဲ့ပြီး ရေးစပ်သီကုံးစေခဲ့ဖူးသည်။ ရှစ်လုံးဘွဲ့ကဗျာများ စသည်ကိုလည်း သင်ပေးခဲ့သည်။ ထိုအကြောင်းအရာများစပ်၍ စကားစမြည် ပြောဆိုရင်းက သံပေါက်ပင်လယ်ဆိုသောအသံကို တူတော်မောင် အရှင်သရဏ အထံက ကြားသိခဲ့ရသည်။ ထို့ကြောင့် ““သံပေါက်ပင်လယ်””ဟု ကြားလိုက် သည်နှင့် စိတ်ထဲက ဘယ်လို သံပေါက်တွေများ စုစည်းထားသလဲ?၊ ဘယ် လောက် အရာကျယ်သလဲ? စဉ်းစားမိပြီး ဖတ်ချင်စိတ်၊ ယင်းစာမူကို ကြည့်ရှု လိုစိတ် ပြင်းပြလာသည်။