ကျွန်ဘဝဗမာပြည် လွတ်လပ်ရေးရပြီးနောက် မြန်မာပြည် မြန်မာပြည်နိုင်ငံရေး မှတ်တမ်း

အကျဉ်းချုပ်

တို့ဗမာအစည်းအရုံးသည် ဗြိတိသျှ နယ်ချဲ့သမားတို့၏ ကိုလိုနီစနစ်အောက်တွင် နှစ်ပေါင်း တစ်ရာကျော် ကျွန်ဖြစ်ခဲ့သော ဗမာပြည်အား လုံးဝ လွတ်လပ်၍ ကိုယ့်မင်းကိုယ့်ချင်း အချုပ်အခြာ အာဏာပိုင် ဒီမိုကရေစီ သမ္မတနိုင်ငံ ထူထောင် ရန်အတွက် ဗမာပြည်သူတို့၊ ဗမာအပေါင်းတို့ကို စည်းရုံးလျက် နယ်ချဲ့အရင်းရှင်၊ မြေရှင်ကြီးများနှင့် ဗြူရိုကရက်စနစ်တို့ကို ဆန့်ကျင်သော၊ အမျိုးသား တော် လှန်ရေးကြီးကို ဦးဆောင်မှုပေးခဲ့သော နိုင်ငံရေးအဖွဲ့ကြီးတစ်ခု ဖြစ်ခဲ့ပေသည်။ တို့ဗမာအစည်းအရုံးသမိုင်း ဆိုသည်မှာ အဆိုပါ ပြည်သူ့နိုင်ငံရေး အဖွဲ့ကြီး၏ နယ်ချဲ့ဆန့်ကျင်ရေး၊ အမျိုးသားလွတ်လပ်ရေး စွမ်းဆောင်ကြိုးပမ်းချက်များကို မှတ်တမ်းတင်ခြင်းပင် ဖြစ်ပေသည်။