အသက်ရှင်နေလျက်ဘဝသေနေသူ

အကျဉ်းချုပ်

ကိုယ့်ဘဝမှာ အဆင်ပြေအောင် နေချင်တဲ့သူအတွက် သိရမယ့်အချက်တွေဟာ သိပ်မများပါဘူး။ နားလည်ဖို့လည်း မခက်ပါဘူး။ လုပ်ဖို့ပဲ လိုပါတယ်။ မလုပ်နိုင်သေး ဘူးဆိုရင် ဘာဖြစ်လို့ မလုပ်နိုင်တာလဲဆိုတာကို ကိုယ့်ကိုယ်ကိုကိုယ် မေးပါ။ မေးပြီးရင် ရိုးရိုးသားသား ဖြေပါ။ လူအထင်ကြီးတာ ခံရဖို့ ပစ္စည်းဥစ္စာ ချမ်းသာဖို့လောက် ရည်ရွယ်ချက်နဲ့ အပေါ်ယံလေး ရှပ်ပြီးတော့ ဘဝကိုနေသွားရင် တစ်နေ့မှာ ဘဝအဓိပ္ပာယ်မဲ့ပြီ။ စိတ်ဓာတ် ကျတဲ့ စိတ်ရောဂါကို ခံစားရလိမ့်မယ်။ ဘဝမှာ သူ့သဘာဝ သူ့နိယာမ ဆိုတာရှိပါတယ်။ မြင့်မြတ်တဲ့စိတ်ထားနဲ့ မြင့်မြတ်တဲ့အသိဉာဏ်ကို မရရင် တကယ် ကျေနပ်စရာကောင်းတဲ့ ဘဝကို ရမှာ မဟုတ်ပါဘူး။