ကိုယ်ရည်ကိုယ်သွေးမြင့်မားစေရန်,သတိဖြင့်နေထိုင်ခြင်း

ဒုတိယအကြိမ် ထုတ်ဝေခြင်း အမှာစာ

ကိုယ်ရည်ကိုယ်သွေးစာအုပ်ကို ကျောင်းသားကျောင်းသူ လူငယ်များ စိတ်ဝင်စားကြတယ်လို့ သိရပါတယ်။ အဲဒီလိုသိရလို့ ဘုန်းကြီးဝမ်းသာပါတယ်။ ငယ်ငယ်ကတည်းက မှန်ကန်တဲ့ အသိအမြင်နဲ့ မှန်ကန်တဲ့ဆန္ဒရှိဖို့ လိုပါတယ်။

စိတ်ရဲ့သဘာဝက သူ့ကို တိကျပြတ်သားတဲ့ ညွှန်ကြားချက် ပေးဖို့ အရေးကြီးပါတယ်။ တိကျပြတ်သားတဲ့ ညွှန်ကြားချက် ပေးမထားရင် စိတ်က ဘာမှဖြစ်အောင် မလုပ်နိုင်ဘူး။ ဒါကြောင့် ငါ ဘယ်လိုလူ ဖြစ်ချင်သလဲ ဆိုတာကို သေသေချာချာ တိတိကျကျ သိအောင်ပုံဖေါ်ပြီးတော့ စိတ်ကို ညွှန်ကြားချက် ပေးထားပါ။ နေ့တိုင်းပေးပါ။ ဒီစာအုပ်ဟာ လမ်းစ ဖေါ်ပေးလိုက်တဲ့ သဘောဘဲ ဖြစ်ပါတယ်။ လမ်းစ ရပြီ၊ ကျန်တာကို ကိုယ့်အားကိုယ်ကိုးပြီး ဆက်လုပ်နိုင်ပါစေ။