တော်ကူးဆရာတော် ဘဝဆည်းဆာနှင့် ကျင့်စဉ်တရား

အကျဉ်းချုပ်

ယနေ့ တော်ကူးရိပ်သာတွင် တော်ကူးဆရာတော်ဘုရား သက်တော်ထင် ရှား ရှိနေသည့်အလား ယောဂီမြောက်မြားစွာတို့သည် ငြိမ်းအေးချမ်းသာစွာ ဣရိယာပုထ်ရှည်ရှည်တို့ဖြင့် အံ့မခန်းအောင် အားထုတ်နိုင်ကြလျက် ရောဂါများ ပျောက်ကင်းခြင်း၊ တရားထူးသိမြင်ခြင်း၊ ကုသိုလ်ထူးတို့ကို ဆည်းပူးနိုင်ခြင်း ဟူသော တော်ကူးဆရာတော်၏ကျင့်စဉ်မှ ပေါ်ထွန်းလာသည့် အသီးအပွင့်များ ကို ပျော်ပျော်ရွှင်ရွှင် မြိန်မြိန်ရှက်ရှက် ဆွတ်ခြွေစားသုံးနိုင်လျက် ရှိကြပေ၏။ တော်ကူးဆရာတော်၏ ချီးကျူးစဖွယ် ကြိုးပမ်းဆောင်ရွက်မှုများ၊ ကြည်ညို လေးစားစဖွယ် စွမ်းရည်ဂုဏ်ထူးများ၊ နည်းမှီမှတ်သားစဖွယ် ကျင့်စဉ်များ၊ ဩ ဝါဒစကားများနှင့် ထူးထွေဆန်းပြားသည့် ဖြစ်ရပ်များစွာတို့ကို ဤစာအုပ်တွင် စုံလင်စွာကြိုးပမ်းတင်ဆက်သွားပါအံ့။