ဤအရပ်တွင်မိုးရွာခဲ့သည်

“ဤအရပ်တွင် မိုးရွာခဲ့သည်” ဝတ္ထုသည် ဒဿနအမြင်များနှင့် အချစ်ကို ရောယှက်တင်ပြထားသည့် ဇာတ်လမ်းတစ်ပုဒ်ဖြစ်သည်။ ဇာတ်လမ်း၏ အဓိကဇာတ်ဆောင် ချမ်းငြိမ်းသည် တောင်ပေါ်မြို့လေးတစ်မြို့သို့ ဝတ္ထုရေးရန် ရောက်ရှိလာစဉ် စာကြည့်တိုက်မှူး ဆူးငယ်နှင့် တွေ့ဆုံချစ်ကြိုက်ခဲ့သည်။ ၎င်းတို့နှစ်ဦးသည် ကော်ဖီသောက်ရင်း၊ စာဖတ်ရင်းဖြင့် အတွေးအခေါ်နှင့် ဒဿနဆိုင်ရာများကို အပြန်အလှန် ဆွေးနွေးလေ့ရှိကြသော်လည်း၊ နောက်ပိုင်းတွင် ဆူးငယ်သည် သူမ၏ ဘဝလမ်းကြောင်း တစ်ဆစ်ချိုးပြောင်းလဲမှုနှင့်အတူ ချမ်းငြိမ်းကို စွန့်ခွာသွားခဲ့သည်။ (၈) နှစ်အကြာတွင် ချမ်းငြိမ်းသည် ထိုမြို့လေးသို့ ပြန်လည်ရောက်ရှိလာပြီး သူမနှင့် ပြန်လည်ဆုံတွေ့ရန် စောင့်ဆိုင်းနေသည့်အကြောင်းကို လွမ်းမောဖွယ်ရာ ဖွဲ့နွဲ့ထားသော ဇာတ်လမ်းဖြစ်သည်။