STAY WITH THE LIGHT

အကျဉ်းချုပ်

မင်္ဂလာပါ ကိုယ်ကျန်းမာ၍စိတ်ချမ်းသာကြပါစေလို့ ဦးစွာပဏာမ ဆုတောင်းမေတ္တာပို့သအပ်ပါတယ်။ 'Stay with the light' (အလင်းနဲ့နေပါ) စာအုပ်ဟာ ကျွန်တော်ရေးသားပြီး ဆောင်းစုရတီစာပေက ထုတ်ဝေဖြန့်ချိတဲ့ (၂၆) အုပ်မြောက် စာအုပ်အသစ် တစ်အုပ်ဖြစ်ပါတယ်။ ဒီစာအုပ်ကို မိတ်ဆက်ပေးရမယ်ဆိုရင် စိတ်မှာ အလင်းနဲ့ အမှောင်၊ အဖြူနဲ့အမည်း ရှိတဲ့အနက်က စိတ်ကိုလင်းအောင် ဖြူအောင် ဘယ်လိုဘယ်ပုံ ပြုပြင်သင့်တယ်။ စိတ်ရဲ့အလင်းကြောင့် ဘဝမှာ ဘာတွေ အကျိုးထူးစေတယ်ဆိုတာကို ရေးသားထားတဲ့ စာ(၂၅)ပုဒ်ကို စုစည်းထား ပါတယ်။ စာအုပ်ဖတ်ညွှန်းအနေနဲ့ကတော့ ဒီစာအုပ်မှာပါဝင်တဲ့ အကြောင်းအရာတွေမှန်သမျှဟာ မသိမှုကြောင့်ဖြစ်လေ့ဖြစ်ထရှိတဲ့ စိတ်ရဲ့ အညစ်အကြေးတွေနဲ့ တင်ကျန်ခဲ့တဲ့အမှိုက်တွေကို မည်သို့မည်ပုံ ရှင်းလင်းသင့်တယ်ဆိုတာကို ထောင့်ပေါင်းစုံကနေ ရေးသားတင်ပြ ထားပါတယ်။