သမီးနှင့် ပြောဖြစ်သော စကား ၁၀၀

အကျဉ်းချုပ်

သမီးလည်း ဘယ်အချိန်ပြန်ဖတ်ဖတ် အတိတ်က မိသားစု ပြောဖြစ်တဲ့စကားတွေရဲ့ တန်ဖိုးနဲ့ နွေးထွေးမှုတွေကို ပြန်သတိရမှာပါ။ အလားတူကျွန်တော်လည်း အရင်လိုပြောပြီးစကားတွေကို မမှတ်မိမှာကို စိုးရိမ်စရာမလိုတော့ပါ။ ပေါ့ပေါ့ပါးပါးပြောထားတဲ့ စကားတွေသာဖြစ်ပါတယ်။ ဒါတွေ က လက်တန်းပြောခဲ့တာတွေပါ။ အဆိုအမိန့်ဆန်တာတွေ၊ ဩဝါဒဆန်တာ တွေကိုတော့ သတိထားပြီးရှောင်ခဲ့ပါတယ်။ သမီးရဲ့ လွတ်လပ်မှုကို တန်ဖိုးထားခြင်းအားဖြင့် သမီးပြောတဲ့စကားတွေကို နားထောင်ပေးရင်း ကူညီဖြေရှင်းတဲ့သဘောပါ။ သမီးဆီကလည်း ကျွန်တော်တို့မိဘတွေ သိချင်တာရှိရင်မေးပါတယ်။ ဒီလိုနဲ့အပြန်အလှန်ပြောဖြစ်ကြတာပါ။ မိဘ ဆိုပြီး ပြောတာကို သားသမီးကနားထောင်ရမယ်ဆိုတာမျိုး မဟုတ်ဘဲ၊ သမီးပြောတာကို နားထောင်ခြင်းအားဖြင့်လည်း သမီးရဲ့အရွေ့ကို သိခွင့် ရခဲ့ပါတယ်။ စာအဖြစ်ပြောင်းလဲရေးသားတဲ့အခါမှာတော့ စကားပြောနဲ့ အနည်းငယ် ကွဲလွဲမှုရှိနိုင်ပြီး စာအားလုံးဟာ သမီးကိုယ်တိုင် Edit လုပ် ထားတဲ့ စာတွေဖြစ်ပါတယ်။