ဖာရာရီ လမ်းခွဲ

နာမည်ကျော်ရှေ့နေ ဂျူလီယန်မန်တဲလ် သည် အောင်မြင်မှု၊ စည်းစိမ်ဥစ္စာနှင့် အလုပ်ဖိစီးမှုများကြားတွင် ရုန်းကန်ရင်း တရားရုံးအတွင်း၌ ရုတ်တရက် နှလုံးရောဂါထဖောက်ကာ လဲကျသွားခဲ့သည်။ ထိုဖြစ်ရပ်ပြီးနောက် သူသည် မိမိပိုင်ဆိုင်သမျှ ဖာရာရီကားအပါအဝင် ပစ္စည်းဥစ္စာများကို ရောင်းချကာ ဘဝ၏အစစ်အမှန်ငြိမ်းချမ်းမှုကို ရှာဖွေရန် အိန္ဒိယနိုင်ငံ၊ ဟိမဝန္တာတောနက်ရှိ သူတော်စင်ကြီးများ ထံသို့ ထွက်ခွာသွားခဲ့သည်။ ထိုနေရာတွင် အရွယ်တင်နုပျိုပြီး စိတ်ဓာတ်ခွန်အား ပြည့်ဝနေသော သူတော်စင်ရာမန်နှင့် တွေ့ဆုံကာ ဘဝနေထိုင်နည်း အသိပညာများကို သင်ယူခဲ့ပြီးနောက်၊ နုပျိုကျန်းမာသော ပုံစံသစ်ဖြင့် သူငယ်ချင်းဖြစ်သူ ဂျွန်ထံသို့ ပြန်လည်ရောက်ရှိလာကာ သူသင်ယူခဲ့ရသည့် "စိတ်ဥယျာဉ်ကို ပြုစုပျိုးထောင်နည်း" အပါအဝင် ဘဝနေထိုင်မှုဆိုင်ရာ လျှို့ဝှက်ချက် (၇) မျိုးကို ပြန်လည်မျှဝေပေးခဲ့သည်။