ဗုဒ္ဓသာသနာနှင့်ရဟန်းဝိနည်း

အကျဉ်းချုပ်

သာသနာ့စည်းလုံအောင် ကာရန်အတွက် ရဟန်း ရှင်လူ အားလုံးတွင် တာဝန်ရှိ၏။ ရဟန်းသံဃာများက မိမိတို့ကိုယ်တိုင် ဝိနည်းနှင့်အညီ ပရိယတ် ပဋိပတ် အားထုတ်လျက် ဒကာ ဒကာမများ အားလည်း အခါအားလျော်စွာ ဝိနည်းနှင့်အညီ ထောက်ပံ့တတ်ရန် သင်ကြားပေးသင့်သည်။ ဒကာ၊ ဒကာမများကလည်း ဆရာတော်များ ညွန်ကြားသည့်အတိုင်း ဝိနည်းတော်နှင့်အညီ လှူဒါန်းထောက်ပံ့ သင့်သည်။ ဤသို့ဆိုလျှင် သာသနာ့ခြံစည်းရိုးသည် ခိုင်မာသထက် ခိုင်မာလာမည် ဖြစ်၏။ ဝိနည်းတရားများကို ဟောခြင်း၊ ရေးသားခြင်း၊ ဆွေးနွေးခြင်းတို့သည်လည်း သာသနာ့ခြံစည်းရိုးကို ခိုင်သထက် ခိုင်မာအောင် ကာကွယ်နေခြင်းပင် ဖြစ်၏။ထို့ကြောင့် ဤ “ဗုဒ္ဓသာသနာနှင့် ရဟန်းဝိနည်း (အပိုင်း-၂) စာအုပ်သည်လည်း ဆရာဒကာ လက်တွဲညီစွာ သာသနာ့ခြံစည်းရိုးကာရာ၌ အုတ်တစ်ချပ် သဲတစ်ပွင့်ပမာ ပါဝင်နိုင်လိမ့်မည်ဟု မျှော်လင့် လျက် ရေးသားထုတ်ဝေ လိုက်ရပါ‌ကြောင်း။