ပါဠိဗောဓိ ပါဠိသဒ္ဒါနှင့် စာစီစာကုံး (အခြေခံပိုင်း)

အကျဉ်းချုပ်

ဤပါဠိဗောဓိအခြေခံပိုင်းကို အခြေခံသင်ခါစပုဂ္ဂိုလ်များအတွက် မူလ စာအုပ်ကြီးမှ သီးသန် ့ခွဲထုတ်ထားပါသည်။ အောက်ခြေအတန်းမှစ၍ ကံကတ္တားကွဲနေသင့်ပါသည်၊ ရိုးရိုးစာစပ်ပုံ များကို နားလည်နေသင့်ပါသည်၊ ထိုသို့ ကံကတ္တားကွဲပြီး စာစပ်နားလည် ပါက ရိုးရိုးပါဠိဝါကျလေးများကို ရေးတတ်လာပါလိမ့်မည် ၊ ကတ္တားဟောဝါကျ ကံဟောဝါကျတို့၏သဘောကို နားလည်သဘောပေါက်လာပါလိမ့်မည် ။ ကံကတ္တားမကွဲဘဲ စာစပ်နားမလည်ဘဲ ပါဠိရေးကျမ်းစာများကို သင်ယူ နေခြင်းသည် အလွန်ပင်ပန်းလှပါသည်၊ ပင်ပန်းသလောက်လည်း နားလည် မလာပါ၊ အသိဉာဏ်ပွင့်မလာပါ၊ နားလည်းမလည် အသိဉာဏ်လည်းမပွင့်ဘဲ စာသင်နေရခြင်းသည် အလွန်ပင်ပန်းလှ၍ ပျင်းရိငြီးငွေ့ဖွယ်ပင် ဖြစ်ပါသည်၊ ပျင်းရိငြီးငွေ့သောကြောင့် နားမလည်, နားမလည်သောကြောင့် ပျင်းရိ ငြီးငွေ့ ဖြစ်ကာ စာသင်သံသရာ လည်နေကြရတော့သည်။ မိမိကိုယ်တိုင် ကံကတ္တားကွဲ၏၊စာစပ်နားလည်၏၊ပါဠိဝါကျတိုလေးများကို ရေးနိုင်၏၊ ထိုသည့်အဆင့်ရှိသူသည် ပါတိမောက်,သဒ္ဒါ,သင်္ဂဟ-စသော ပါဠိရေးကျမ်းစာများကို သဘောပေါက်ပေါက်ဖြင့် လွယ်ကူစွာသင်ယူနိုင်ပါ လိမ့်မည်၊ ထို့ထက် တစ်ဆင့်တက်၍ ကင်္ခါ, ရူပသိဒ္ဓိ, ဋီကာကျော်-တို့ကို ခက်ခဲမှုမရှိဘဲ သင်ယူနိုင်ပါလိမ့်မည်။