ငြိမ်းချမ်းစွာ ယဉ်တွဲနေထိုင်ရအောင် နှင့် သားရဲဝဏ္ဏသို့ ပေးစာများ

အကျဉ်းချုပ်

အဲဒီ ဆူးတွေကို ဖယ်ရှားပေးဖို့ ကမ်းလက်များ လိုအပ်ပါတယ်။ ကမ်းလက်တွေ စုစည်းရင် တွဲလက်တွေ ဖြစ်လာမယ်။ အဲဒီတွဲလက်တွေ မြဲမြဲဆုပ်ကိုင်ထားရမှာပေါ့။ တွဲလက်တွေကို ဖြုတ်ပစ်ဖို့၊ ကမ်းလက်တွေ ကို ပုတ်ချမယ့်သူတွေကလည်း ရှိနေတာ သားရဲ့။ သားလေး ရဝဏ္ဏရေ... ဒဏ်ရာအနာတရတွေမှ မကျက်သေးချိန်၊ ယုံကြည်မှု တည်ဆောက်နေဆဲ အချိန်မှာကိုပဲ အဖျက်အမှောင့်တွေက ဝင်လာမစဲ တသဲသဲပါပဲ။ သာမန်ရာဇဝတ်မှုကို မီးဟုန်းဟုန်းတောက်အောင် လောင်စာပက်ဖျန်းမယ့်သူတွေက အဆင်သင့်။ လာရာလမ်းတွေက အဓိကကျသလား၊ လားရာမှန်ဖို့က အဓိက ကျသလား၊ သားလေး ဆင်ခြင်နိုင်ရောပေါ့။ နွေးထွေးတဲ့ ကမ်းလက်တွေ အတူတကွ ချိတ်ဆက်ကြမယ်၊ တွဲလက်တွေနဲ့ ငြိမ်းချမ်းတဲ့ လူ့အဖွဲ့အစည်း ကို တည်ဆောက်ကြရမယ်။ အသည်တွဲလက်ထဲမှာ သားလေး ပါပါစေ။ သူငယ်ချင်းတွေလည်း ပါပါစေ...။ သားရဲ့ ချစ်သော ဖေဖေ...