မဟာသတိပဌာနတရားတော်

အကျဉ်းချုပ်

“ချစ်သား အာနန္ဒာ… ငါဘုရား လွန်တော်မူသည်ရှိသော် ငါ ဘုရား ဟောကြားတော်မူခဲ့သော သုတ်၊ အဘိဓမ္မာ၊ ဝိနည်းတရား တော်များသည် သင်တို့အား အမြဲတမ်း ဆုံးမညွှန်ကြားနေမည့် ငါ၏ကိုယ်စား ဆရာဘုရားများ ဖြစ်ပေလိမ့်မည်” ဟု ပရိနိဗ္ဗာန်ပြုတော်မူခါနီးဆဲဆဲမှာပင် အရေးအကြီးဆုံးထား၍ မှာကြားတော်မူခဲ့သည်။ သို့ဖြစ်၍ မဂ်၊ ဖိုလ်၊ နိဗ္ဗာန် တည်းဟူသော ပန်းတိုင် သို့ အရောက်ချီတက်လိုသော သူတော်စင်အပေါင်းတို့သည် ဗုဒ္ဓတရားတော် စာပေလာသည့်အတိုင်း ကျင့်ကြံအားထုတ်သင့်ပေသည်။ စစ်ကိုင်းတောင်ရိုး ရွှေဟင်္သာတိုက်သစ် ရွှေဟင်္သာဆရာတော်ဘုရား သည် ဗုဒ္ဓ၏ မဟာသတိပဋ္ဌာနသုတ် ဒေသနာတော်၊ ကာယဝိစ္ဆန္ဒနိကသုတ် ဒေသနာတော် စသည်တို့၌ လာရှိသည့်အတိုင်း ယထာဘူတကျအောင် ကျင့် ကြံအားထုတ်ရန်အတွက် လောကီရေးမဖက် လောကုတ္တရာရေးသက်သက် ဖြစ်သော ဤ “ကာယာနုပဿနာကျမ်း” ကို ကြိုးပမ်းစီရင်တော်မူပြီးလျှင် တရားတော် ပြန့်ပွားရေးကိုသာ လိုလားချက်တစ်ခုတည်းထား၍ ပထမ အကြိမ် ဟံသာဝတီပိဋကတ်ပုံနှိပ်တိုက်မှ ရိုက်နှိပ်ခဲ့ပြီး ယခု ဒုတိယအကြိမ် အဖြစ် သာသနာရေးဦးစီးဌာန ပုံနှိပ်တိုက်မှ ပြန်လည်ရိုက်နှိပ် ထုတ်ဝေလိုက် ပါသည်။