ပိဋကတ်လာစိတ်တန်ခိုးနှင့်အကြားအမြင်

ဤစာအုပ်၌ ဖော်ပြထားသော အကြောင်းအရာများမှာ မည်သူမှန်သည်၊ မည်သူ မှားသည်ကို စာရေးသူက မှတ်ချက်မပေးဘဲ စာဖတ်သူကသာ ကိုယ့်ကိစ္စကိုယ် ဆုံးဖြတ် နိုင်ရန် မေးတင်ထား၏။ ဤသည်မှာ ဤစာအုပ်၏ ထူးခြားချက်ဖြစ်၏။

ဤစာအုပ်ထွက်ရှိပြီးနောက် ခေတ်သစ်စိတ်ပညာရှင်များက “အရှင်ဘုရား၏ စာအုပ်သည် ခေတ်ဟောင်းအယူအဆဖြစ်နေသည်၊ ခေတ်သစ်အမြင် စိတ်ပညာစာအုပ် တစ်အုပ်ရေးပေးပါ”ဟု ပြောလာကြ၏။ ကျွန်ုပ်သည် ရဟန်းတော်တစ်ပါးဖြစ်၍ ထေရဝါဒ ဗုဒ္ဓဘာသာကျမ်းဂန်များကို အတော်အသင့် သင်ကြားဖူးသူဖြစ်ရာ ပစ္စုပ္ပန်၊ အတိတ်၊ အနာဂတ် ကာလ ၃ ပါးကို လက်ခံထားသူ ရဟန်းတော်တစ်ပါးဖြစ်၍ ခေတ်သစ် စိတ်ပညာနှင့် အံဝင်ခွင်ကျမဖြစ်။ ထို့ကြောင့် ခေတ်သစ်စိတ်ပညာစာအုပ်ရေးသားရန် စိတ်မဝံ့ပါ။

ဤစာအုပ်ထွက်ပြီးနောက် ဝေဖန်စာများ၊ သိလိုသည့်အချက်များ၊ များစွာသော ပေးစာများ လက်ခံရရှိ၏။ ထို့ကြောင့် တတိယရိုက်စာအုပ်၌ လိုအပ်သည်များကို ဖြည့်စွက် ထားပြီးဖြစ်သဖြင့် ယခု ၂ဝ၂၄ အသစ်ပြန်လည်ပုံနှိပ်သည့်စာအုပ်၌ ဖြည့်စွက်ခြင်းမပြုဘဲ ထုတ်ဝေလိုက်သည်။