စီးပွားရေး အတွေးအခေါ်ရှင်များ

စီးပွားရေးအကြောင်းရပ်တွင် စိတ်ဝင်စားသည့် မြန်မာပရိသတ်သို့ ဤစာအုပ်ကို လက်ဆင့်ကမ်း ပေးပို့နိုင်ရန် အားထုတ်သည့်အခါ၌ မူရင်း အာဘော်အတိုင်း တတ်နိုင်သမျှ တိကျမှန်ကန်မှုရှိစေရန် သတိပြုခဲ့ပါသည်။ အချို့သော အကြောင်းအရာ အချက်အလက်နှင့် အဓိပ္ပာယ်အကောက်အယူ များအတွက် လက်လှမ်းမီသမျှ စီးပွားရေးပညာဆိုင်ရာ ရည်ညွှန်းစာအုပ်များ၊ စီးပွားရေးပညာရှင် အတ္တုပ္ပတ္တိများ၊ စီးပွားရေးပညာသမိုင်းကျမ်းများနှင့် တိုက်ဆိုင်ညှိနှိုင်းမှု ပြုပါသည်။ ဘာသာရပ်ဆိုင်ရာ အသုံးအနှုန်းများကို မြန်မာဘာသာဖလှယ်ရာ၌မူ တက္ကသိုလ်များ စာအုပ်ပြုစုရေးကော်မတီထုတ် “ပညာရပ် ဝေါဟာရများ” ကျမ်းကို အဓိက အသုံးပြုပါသည်။

ဤစာအုပ်ကို ဖတ်ရှုခြင်းဖြင့် စာဖတ်သူ၌ စီးပွားရေးပညာဆိုင်ရာ အသိအမြင် ဗဟုသုတများ တိုးပွားစေနိုင်လိမ့်မည်ဟု မျှော်လင့်ယုံကြည် မိပါသည်။

စာဖတ်သူအား ထာဝစဉ်လေးစားလျက်

ဖေမြင့်