တိပိဋကတ်အဘိဓာန် (ဒုတိယတွဲ) (စ-နှာရုသုတ္တဗန္ဓန)

ဆရာတော်ကို ပူဇော်ခြင်း

ဆရာတော် ပျံလွန်တော်မူပြီးနောက် ပထမနှစ်ပတ်လည် (၁၃၆၄-ခု) တွင် ဆရာတော်ရေးသားပြုစုသည့် ဝိနယသင်္ဂဟအဋ္ဌကထာပန်းကုံး (ပထမတွဲ)၊ ဒုတိယနှစ်ပတ်လည် (၁၃၆၅-ခု)တွင် ဆရာတော်သုတ်သင် ပြင်ဆင်အပ်သည့် ရှေးဟောင်းစာပေ ကင်္ခါ ယောဇနာကျမ်း၊ တတိယနှစ်ပတ်လည် (၁၃၆၆-ခု) တွင် ဆရာတော် ပြုစုအပ်သည့် သာသနာ့ဝန်ဆောင် တိပိဋကအဘိဓာန်(ပထမတွဲ)၊ စတုတ္ထနှစ်ပတ်လည် (၁၃၆၇-ခု)တွင် ရှေးဟောင်းစာပေ မိုးထိမူ ခန္ဓဝဂ္ဂသံယုတ် အဋ္ဌကထာနိဿယ-စာအုပ်တို့ကို အသီးသီး ပုံရိုက်ကာ ပူဇော် ခဲ့ကြပါသည်။ ယခု ၁၃၆၈-ခုနှစ် ၅-နှစ်မြောက်နှစ်ပတ်လည်၌ ဆရာတော် ပြုစုအပ်ခဲ့သည့် “သာသနာ့ ဝန်ဆောင် တိပိဋကအဘိဓာန် (ဒုတိယတွဲ)” ကျမ်းစာအုပ်ကြီးကို ပုံရိုက်ပြီး စာပေမြတ်နိုးတော်မူသော ဆရာတော်၏ဂုဏ်ကို ရည်မှန်းကာ တပည့်သံဃာများနှင့် ဒကာ ဒကာမများက စာပေဖြင့် ပူဇော်ကြခြင်း ဖြစ်ပါသည်