၁၉၄၈-၁၉၅၈ မြန်မာ့နိုင်ငံရေး

၁၉၄၈.၅၈ မြန်မာ့နိုင်ငံရေး သမိုင်းတွင် ဖ.ဆ.ပ.လ ခေတ် နိုင်ငံရေးမြင်ကွင်းနှင့် တိုင်းပြည်အခြေအနေ ကို သိရှိနိုင်ရန်၊ ဖ.ဆ.ပ.လ ခေတ် သမိုင်းမှပေးသည့် သင်ခန်းစာများကို ပစ္စုပ္ပန် မျက်မှောက်ခေတ်တွင် ရယူအသုံးချနိုင်ရန် ရည်ရွယ်ပါသည်။ အတိတ်မြန်မာ့သမိုင်းမှ ဖြစ်ရပ်များသည် ပျက်မှောက်ခေတ်တွင် အသုံးမဝင်၊ ဆက်စပ်ခြင်းမရှိဟု ယူဆ၍ မရပါ။ မြန်မာ့သမိုင်းတွင် အကြိမ်ကြိမ်အခါခါ တစ်ကျော့ပြန် ဖြစ်စဉ်ဖြစ်ရပ်များ ရှိခဲ့ပေသည်။ (ဥပမာ ပြည်တွင်းလက်နက်ကိုင် ပဋိပက္ခများ၊ ဘင်္ဂလီအရေးအခင်းများ၊ လူစုလူဝေးဖြင့် ဥပဒေမဲ့ ဆူပူအကြမ်းဖက်မှုများ၊ အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ဖော်ဆောင် မှုလုပ်ငန်းများ၊ တိုင်းရင်းသားလက်နက်ကိုင် ပဋိပက္ခများ အဆုံးသတ်ရန် ကြိုးပမ်းဆောင်ရွက်မှုများ။ တရားဥပဒေစိုးမိုးရေးနှင့် ငြိမ်ဝပ်ပိပြားရေးကိစ္စရပ်များ၊ လွတ်လပ်၍ တရားမျှတသော ရွေးကောက်ပွဲများ ကျင်းပရေးကိစ္စရပ်များ၊ နိုင်ငံရေးဆွေးနွေးပွဲများ) ဖ.ဆ.ပ.လခေတ်တွင် ဖြစ်ပျက်ခဲ့သော နိုင်ငံရေး၊ စီးပွားရေး၊ လူမှုရေးဖြစ်စဉ်များမှ အတွေ့အကြုံများ၊ အောင်မြင်မှုများ၊ လုပ်ရပ်အမှားများကိုသိရှိနားလည်ထားပါက မျက်မှောက်ခေတ်တွင် အတုယူစရာများကို အတုယူနိုင်ရန်‌။