မြန်မာထီးမူနန်းရာ

မြောက်စမုခ်ဆောင်က ပလ္လင်ကို ဒေါင်းရုပ်တွေနဲ့ အလှဆင် ထားတယ်။ ဒါကြောင့် ‘မယုယာသနပလ္လင်” လို့ ခေါ်ပါတယ်။ ဆင်ကြီး၊ မြင်းကြီး ဆက်သတဲ့အခါ ဒီပလ္လင်မှာ ထွက်စံပြီး ခံယူပါ တယ်။

တောင်စမုခ်ဆောင်က သမင်ရုပ်တွေနဲ့ဖြစ်လို့ ‘မိဂါသနပလ္လင်” လို့ ခေါ်တယ်။ သမင်ရုပ်တွေနဲ့ အလှဆင်ထားတယ်။ တိုင်းရေး ပြည်ရေး၊ နိုင်ငံရေးတွေကို ဆွေးနွေးတယ်။ အချီအချပြောရတဲ့ကိစ္စတွေ ကြားနာတယ်။

အနောက်စမုခ်ဆောင်မှာ ကြာပန်းတွေရှိလို့ ပဒုမ္မာသနပလ္လင်” လို့ခေါ်တယ်။ ဘုရင်၊ မိဖုရားတွေကို အမျိုးသမီးပရိသတ်က လက် ဆောင်ပဏ္ဏာ အဆက်အသကိုခံတဲ့ ပလ္လင်ဖြစ်တယ်။

လွှတ်တော်မှာ နန်းမက ပလ္လင်မျိုးကို ထားတယ်။ ခြင်္သေ့ရုပ် တွေနဲ့မို့ ‘သီဟာသနပလ္လင်” လို့ပဲ ခေါ်ရတယ်။ ဒီမှာ ဘုရင်ရဲ့ အမိန့်တော်ကို နာခံရတယ်။ မှုခင်း တရားတဘောင်ကို ဆုံးဖြတ် တယ်၊ သိပ်အရေးကြီးတဲ့ကိစ္စ ပေါ်ရင်လည်း ဒီပလ္လင်မှာထိုင်ရင်း ဆုံးဖြတ်ချက်ကို မိန့်တော်မူလေ့ရှိတယ်။

သန်းထွန်း