မြန်မာ့ နှလုံးသားထဲက ရွှေတိဂုံဘုရားနှင့် ဆက်စပ် သမိုင်းအတွေးများ

အကျဉ်းချုပ်

လေးလေးနက်နက် သုတေသန ပြုထားပြီး ရည်မှန်းချက်တစ်ခုအတွက် ရေးခဲ့သည်မျိုးမဟုတ်ဘဲ ရွှေတိဂုံစေတီတော်မြတ်သို့ ရောက်သည့်အခါ သို့မဟုတ် ခရီးထွက် ရင်း သမိုင်းအထောက်အထားများ ရှာဖွေလေ့လာရင်း တွေ့ရှိခံစား ခဲ့ရသည်များကို မျှဝေခံစားနိုင်ကြစေရန် ရည်ရွယ်ရေးသားခဲ့ ခြင်းသာ ဖြစ်ပါသည်။ ယခု စုပေါင်းထုတ်ဝေလိုက်သောအခါ စာ စောင်ပါအစဉ်အတိုင်း မဟုတ်ဘဲ အကြောင်းအရာ တူရာစုလျက် အခန်း ၁ဝ ခန်းခွဲကာ ဖော်ပြထားပါသည်။ ရွှေတိဂုံသမိုင်းတွင် သူများအသိကျန်ခဲ့သည်များမှ အချို့ကို စာရေးသူက ယင်း၏ သမိုင်းအမြင်ဖြင့် ရေးသားဆွေးနွေးထား၏။ ရွှေတိဂုံနှင့် တစ်စိတ် တစ်ပိုင်း ဆက်နွှယ်မိသည်များကိုလည်း ဖော်ပြခဲ့၏။ ဘာသာတရား ဆိုင်ရာလည်းပါ၏။ အချို့သောမင်းတို့၏ သာသနာတော်အတွက်လုပ်ဆောင်ခဲ့ချက်များလည်း ပါ၏။ သမိုင်းအတွေးအခေါ် အယူ အဆရေးရာများလည်း မလွှဲမရှောင်သာ ပါလာရပါသည်။ ထိုသို့ ရေးသားရာတွင် သမိုင်းအချက်အလက်များကို မူရင်းအထောက် အထားများမှ အများဆုံးရယူပါသည်။ စာရေးသူ၏ အတ္တနော မတိဖြင့် ရေးသားသည်များ မပါကြောင်း ဝန်ခံပါသည်။