သာမညဖလသုတ်တော်

အကျဉ်းချုပ်

မြတ်စွာဘုရား ဟောတော်မူအပ်သော သုတ္တန်ပိဋကတ်တော် များကို သံဂါယနာတင်ရာတွင် ဒီဃနိကာယ်ခေါ် ရှည်လျားသော သုတ်များကို စုပေါင်းဖွဲ့စည်းထားသော အပိုဒ်ကို ပဌမဦးစွာ ရွတ် ဆိုမှတ်တမ်းတင်ကြ၍ ထိုဒီဃနိကာယ်များအနက် သီလက္ခန်ခေါ် သီလအစုများကို ပဌမဦးစွာ သံဂါယနာတင်ကြပါသည်၊ ထို သီလက္ခန်တွင်လည်း ရှေးက ကျွန်တော်တို့ ထုတ်ဝေဖူးပြီးဖြစ်သော “ဗြဟ္မဇာလသုတ်တော်” သည် ဦးစွာသော သုတ်တော်ဖြစ်၍ နက်နဲသော အယူဝါဒများကို ရှင်းလင်းပြထားရာ ဖြစ်ပါသည်။