အလှတရားမှအမှန်တရားသို့

ပင်လယ်ထဲမှာ လှိုင်းမထန်တဲ့အခါ ဘယ်သူမဆို သင်္ဘော ပဲ့ကိုင်နိုင် ပါတယ်။ လှိုင်းထန်နေတဲ့အခါမှာ ပဲ့ကိုင်နိုင်မှ ကျွမ်းကျင်တဲ့ သင်္ဘောကပ္ပတိန်လို့ ဆိုနိုင်မယ်။

ကိုယ့်ဘဝမှာ ဘယ်လောက်ပဲ လှိုင်းထန်ထန် ကိုယ့်ဘဝ သင်္ဘောကို မတိမ်းမစောင်းအောင် မမှောက်အောင် ထိန်းပြီး လိုရာခရီးကို ရောက်အောင် ပဲ့ကိုင်နိုင်ဖို့ လိုတယ်။ လှိုင်းထန်ပေမဲ့ လိုရာခရီးရောက်အောင် ကိုယ့်ဘဝကို ပဲ့ကိုင်နိုင်ပါစေ။ ဘုန်းကြီးရဲ့စာအုပ်တွေကို ဖတ်တဲ့ ဒကာ ဒကာမတွေက ရေးလိုက်တဲ့ စာတွေကို ဖတ်ရတာ သိပ်စိတ်ဝင်စားပါတယ်။ အဲဒီစာတွေဟာ ဘုန်းကြီး အတွက် အကောင်းဆုံးလက်ဆောင်တွေ ဖြစ်ပါတယ်။ သီတင်းကျွတ် လက်ဆောင်တွေ တော်တော်များများ ရပါတယ်။ လက်ဆောင်ကောင်း လေးတွေ ပို့ပေးကြပါအုံး။