သဘာဝစာစဉ် (၇)

နို့တိုက်သတ္တဝါတွေဟာ လွန်ခဲ့တဲ့ နှစ်သန်းပေါင်း ၂၂၀ ခန့်က တွားသွားသတ္တဝါတွေကနေ ဆင့်ကဲဖြစ်ပေါ်တိုးတက်လာတာဖြစ်တယ်။ ပထမဆုံး နို့တိုက်သတ္တဝါတွေဟာ ဒိုင်နိုဆောသတ္တဝါကြီးတွေရဲ့ အရိပ်အောက်မှာနေရတဲ့ သေးငယ်ပြီး ကြွက်စုတ်နဲ့တူတဲ့ အင်းဆက်ပိုးစားကောင်တွေဖြစ်ကြတယ်။ ဒါပေမဲ့ လွန်ခဲ့တဲ့ နှစ် ၆၅ သန်းဝန်းကျင်ကာလ ဒိုင်နိုဆောသတ္တဝါကြီးတွေ သေဆုံးပျောက်ကွယ်သွားကတည်းက နို့တိုက်သတ္တဝါတွေ ပိုပြီးမျိုးစုံလာကာ ကမ္ဘာမြေအနှံ့ ပြန့်နှံ့လာတယ်။ လူသားတွေဟာ နို့တိုက်သတ္တဝါတွေဖြစ်ကြတာမို့ ဒီစာအုပ်မှာပါတဲ့ တခြားသတ္တဝါတွေနဲ့ တူညီတာတွေ အတော်များများရှိတယ်။ သဘာဝစာစဉ် (၇) မှာ နို့တိုက်သတ္တဝါများအကြောင်းဖော်ပြထားပါသည်။