သင့်ကလေးကို sex အကြောင်း ဘယ်လိုပြောမလဲ

အကျဉ်းချုပ်

မူကြိုအရွယ် သားငယ် သူကြီးလာရင် မေမေ့ကို လက်ထပ်ယူမယ်လို့ပြောသလား... သူကြီးလာရင် မိန်းကလေးအဖြစ်ပြောင်းသွားမှာလို့ ဆိုနေသလား… ရှစ်နှစ်အရွယ် သမီးငယ်က ဆယ်ကျော်သက်နှစ်ယောက် နမ်းနေတာတွေ့လိုက်လို့ ကောင်မလေးက ကလေးရသွားတော့မှာပဲလို့ ပြောနေပြီလား… ဆယ့်တစ်နှစ်သားလေးကတော့ ဒီအကြောင်းတွေ ဘာမှမပြောတော့ဘူးလား... ဒါဆို မိဘတွေအနေနဲ့ ဘာလုပ်မလဲ၊ ဘာလုပ်သင့်သလဲ… စိတ်မပူပါနဲ့ ဒီအတွက် အဖြေက ဒီစာအုပ်ထဲမှာ ရှိပါနေပါပြီ။ ဒီစာအုပ်က ဒီလိုပြောရခက်၊ မျက်နှာပူရတဲ့ကိစ္စကို ဘယ်ကစပြောရမှန်း မသိတဲ့ မိဘတွေအတွက် အသက်အရွယ်စုံ ကလေးတွေရဲ့ ဖွံ့ဖြိုးမှူအဆင့်တိုင်းမှာ သိချင်လောက်မယ့် ခေါင်းစဉ်တွေကိုရွေးပြီး လက်တွေ့ အသုံးချနိုင်မယ့်အချက်အလက်တွေချည်း ပြုစုထားပါတယ်။ ဒီစာအုပ်က ကလေးဘယ်အရွယ်မှာ ဘာကိုသိသင့်ပြီ၊ သိချင်နေလောက်ပြီ၊ သူတို့ကို ဘယ်လိုရှင်းပြရမလဲဆိုတာကို ကူညီပေးနိုင်လိမ့်မယ်။