ဘဝကို အနိုင်ယူနည်း

အကျဉ်းချုပ်

လူတိုင်းသည် မိမိဘဝ လမ်းခရီးအတွက် ထားရှိမည့် နှလုံးသွင်းကို ပိုင်ပိုင်သိရှိ ထားပြီဟု ထင်တတ်ကြသည်။ ထင်သလောက် တကယ် မသိသည်လည်း ရှိပေသည်။ မည်သို့ပင်ဖြစ်စေ... လူတိုင်း လူတိုင်း ဤစာအုပ်ကိုဖတ်၍ မိုးကို ဒူးဖြင့်တိုက်ရန် ပြင်ဆင် ကြစေလိုသည်။ စာအုပ်ကိုဖတ်၍ ဆုံးသွားလျှင် ထပြီး ခါးတောင်းကျိုက်စေလိုသည်။ ကျွန်ုပ်တို့သည် နိုင်ငံကို ရှေ့သို့ တိုးတက်အောင် အပူတပြင်း၊ အကြိတ်အနယ်၊ အားကြိုးမာန်တက်၊ စိုင်းပြင်းအားထုတ်နေကြရသည်ဖြစ်ရာ ဤစာအုပ်သည် ရှေ့သို့ အနည်းဆုံး တစ်လှမ်းတစ်ထစ်မျှ တွန်းပို့ပေးနိုင်ရမည်ဟု ယုံကြည်ပေသည်။ စာအုပ်နှစ်ထောင်ကုန်၍ အလှမ်းပေါင်းနှစ်ထောင် ရှေ့သို့ရွေ့သွားလျှင် ကြိတ်နှုန်းအားဖြင့် တိုင်းပြည်ကို တစ်မိုင် ခန့် ရှေ့သို့ တွန်းပို့နိုင်ခြင်းဖြစ်မည်ဟုပင် ယုံကြည်ပေသည်။ လူတိုင်း ဘဝကို အနိုင်ယူနိုင်ကြစေလိုပေသည်။