မဟာဝဂ္ဂသံယုတ် ပါဠိတော်နိဿယ မိုးထိမူ၊စာချနက်(ပထမတွဲ) (ဒုတိယအကြိမ်)

အကျဉ်းချုပ်

ကျေးဇူးရှင် မှော်ဘီသာသနာ့ဝန်ဆောင် ပန်းကုံးဆရာတော်ဘုရားကြီး (ဘဒ္ဒန္တကုမာရမထေရ်)သည်လည်း စာပေပို့ချခြင်း, ကျမ်းစာပြုစုခြင်း တပည့် သံဃာပရိသတ်ကို ထိန်းသိမ်းပြုပြင်စောင့်ရှောက်ခြင်းစသည့် သာသနာ့တာဝန် များကို အသက်ထက်ဆုံး ဆောင်ရွက်တော်မူခဲ့သည့်အပြင် တန်ဖိုးရှိသော ရှေးဟောင်းဗုဒ္ဓစာပေတို့ကိုလည်း မပျောက်ပျက်ရအောင် ရှာဖွေစုဆောင်း ထိန်းသိမ်း တော်မူခဲ့ပါသည်၊ သံယုတ်ပါဠိတော်,အဋ္ဌကထာအပါအဝင် သင်ရိုး မဟုတ် သော ပါဠိတော်,အဋ္ဌကထာ,ဋီကာတို့ကို ဤစာရေးသူတို့ နှံ့နှံ့စပ်စပ် မကြည့် ရှုဖူးပါ၊ အညွှန်းကြည့်၍ လိုအပ်သည်တို့ကို ရွေးချယ်ကြည့်ရှုဖူးပါသည်၊ ယခု အခါ ဆရာတော်ဘုရား ရှာဖွေစုဆောင်းထားခဲ့သော ကျမ်းစာအုပ်များကို တည်းဖြတ်ပြင်ဆင်ခွင့် ရသဖြင့် ပါဠိတော်, အဋ္ဌကထာနိဿယတို့ကို တည်းဖြတ် ပြင်ဆင်ရင်း ပါဠိတော်, အဋ္ဌကထာ, ဋီကာတို့ကို တွဲဖက်ကြည့်ရှုရပါသည်၊ အက္ခရာ တစ်လုံးချင်းမှ စ၍ ကြည့်ရှုခွင့်ရသည့်အတွက် သိဖူးတွေ့ဖူးသည့် အကြောင်း အရာများကို ပြန်လည်ကြည့်ရှုခွင့် ရသလို၊ မသိဖူး, မတွေ့ဖူးသည့် အကြောင်းအရာ များကိုလည်း လေ့လာသိရှိခွင့်ရသဖြင့် ပိဋကတ်ဗဟုဿုတများစွာ ရရှိပါသည်။ တပည့်များ၏ အကူအညီကို ရယူ၍ စေတနာ, သဒ္ဓါထက်သန်သော ဒကာ, ဒကာမတို့၏ ပံ