သူ ... ဘယ်သူလဲ?

"Thinking" ဟု အမည်ရသော ဆိုင်လေးသည် မြို့ပြ၏ လမ်းဆုံလမ်းခွတစ်ခုတွင် တည်ရှိပြီး သာမန်စားသောက်ဆိုင်လေးတစ်ခုထက် ပိုသော ထူးခြားသည့် ဝန်ဆောင်မှုများရှိသည်။ ဆိုင်ရှိ စားပွဲတိုင်းတွင် စာရွက်ဖြူများနှင့် ဘောပင်များ ထားရှိပေးထားပြီး လာရောက်စားသောက်သူများသည် မိမိတို့၏ ကိုယ်ပိုင်အတွေးအခေါ်များ၊ ဒဿနများ သို့မဟုတ် ကမ္ဘာကျော် အဆိုအမိန့်များကို ရေးသားကာ ဆိုင်ရှိ မဲပုံးထဲသို့ ထည့်နိုင်သည်။ လစဉ် နောက်ဆုံးပတ်တွင် ထိုအတွေးအခေါ်များကို မဲဖောက်ပေးပြီး မဲပေါက်သူ၏ စာသားကို ဆိုင်၏ "Thinking Board" ပေါ်တွင် တစ်လတိတိ ဂုဏ်ပြုဖော်ပြပေးသည့်အပြင် ဆုလက်ဆောင်များလည်း ပေးအပ်လေ့ရှိသည်။  ဤဆိုင်လေးကို "မိုး" နှင့် "ဆောင်း" ဟု အမည်ရသည့် သူငယ်ချင်းနှစ်ဦးက ဝါသနာအရ ပူးပေါင်းဖွင့်လှစ်ထားခြင်းဖြစ်သည်။ ၎င်းတို့သည် ဆိုင်၏ တာဝန်ဝတ္တရားများကို တစ်ယောက်လျှင် တစ်လစီ အလှည့်ကျ တာဝန်ယူ စီမံခန့်ခွဲသည့် စနစ်ဖြင့် လုပ်ကိုင်ကြသည်။ ဝတ္ထု၏ အစပိုင်းတွင် ဆောင်းသည် ၎င်း၏ မွေးနေ့ဖြစ်သော အင်္ဂါနေ့တွင် စာတိုက်မှ ရောက်ရှိလာသည့် စာတစ်စောင်ကြောင့် ရင်ခုန်လှုပ်ရှားနေပုံနှင့် ဆိုင်အနီးတွင် ကောင်လေးတစ်ယောက်က ကောင်မလေးတစ်ယောက်ကို ရည်းစားစကား လိုက်ပြောနေသည့် မြင်ကွင်းတို့ကို တွေ့မြင်ရမည်ဖြစ်သည်။

"မင်း ... ဘယ်သူလဲ?၊ ဘယ်မှာလဲ?၊ ဘာလုပ်လဲ? ... LOLA (လိုလာ) လို့ ရေရွတ်ရင်း အာရုံပြုကြည့်လိုက်မိတော့ ... ဪ ... မင်းက သက်တံ့ပေါ်မှာ ကဗျာလွတ် ကနေတာကိုး ......."