ဗုဒ္ဓဝင်ဝတ္ထု

အကျဉ်းချုပ်

ဤကျမ်းစာသည် အရင်းမူလ ရှေးမဆွက သီဟဠဘာသာဖြင့် ရဟန္တာအရှင်မြတ်များ ရေးသားထားရှိတော်မူခဲ့သည်ကို အရှင်မဟာ ဥပတိဿမထေရ်က မာဂဓ ပြန်ဆိုမြွက်ကြား ရေးသားဖွင့်ဖော် တော်မူသဖြင့် သာသနာတော်၌ အကျိုးစီးပွား များပြားဖြစ်ထွန်း ထိုက်သော ကျမ်းကြီး၊ ကျမ်းခိုင်များဖြစ်၍ တိမ်ကော ကွယ်ဝှက် ပျောက်ပျက်လေစကောင်းသည်မဟုတ် ဖြစ်သောကြောင့် ရန်ကုန် မြို့ ရွှေတိဂုံဘုရားကြီး ဈေးတော်ရုံ စာအုပ်နှင့် သင်္ကန်း ပရိက္ခရာ ကုန်သည်ကြီး ဝံသာနု-ဦးပျိုင်သည် ဂိဟိပဗ္ဗဇ္ဇ သပ္ပုရိသနွယ်ဝင် သူတော်စင်တို့ ပညာဓိက ဖြစ်ကြရစေရန် ရှေးစာမူဟောင်း ရှာစုဆောင်းလျက် ကောင်းစွာပုံနှိပ် ဖြန့်ကမ်းအပ်ပါသည်၊ ခေမာ ကြငှန်း ရွှေပြည်နန်းသို့ ဖြောင့်တန်းစွာ ခိုဝင်နိုင်အောင် ခိုင်မြဲ ကြီးခန့်သော ဥဿာဟရှေ့ထား၍ ကြိုးစားအားထုတ်နိုင်ကြပါစေ သတည်း။