ထောင် နှင့် မိခင်

အကျဉ်းချုပ်

အမေက ဒီစာတိုတွေကို စာအုပ်ထုတ်ဖို့ ပို့လိုက်တာမဟုတ်လေတော့ အခု စာအုပ်ထုတ်မယ်လုပ်တဲ့အခါ စာအုပ်ကို နာမည်ပေးဖို့တာဝန်လည်း ကျွန်တော့်အပေါ်ပဲ ရောက်လာပါတယ်။ အရင် ကျွန်တော်အိမ်မှာနေတုန်းက အမေရေးတဲ့ စာအုပ်တချို့အတွက် နာမည်တွေကို အမေက ပေးခိုင်းတာနဲ့ ကျွန်တော်ပေးခဲ့တာတွေ ရှိပါတယ်။ ဒါပေမဲ့ အခုပေးရမှာက မတူပါဘူး။ ဟိုတုန်းက ကျွန်တော်က နာမည်ပေးပြီး အမေက အတည်ပြုတာပါ။ အခုဟာက ကျွန်တော်တစ်ဦးတည်း ထင်ရာစိုင်းသလို ဖြစ်နေပါတယ်။ ဒီလိုနဲ့ အဖေရေးခဲ့တဲ့ စာပေဗိမာန်ဆုရခဲ့တဲ့ “ ထောင်နှင့် လူသား” ဆိုတဲ့ စာအုပ်ကို အတုယူပြီး “ ထောင်နှင့် မိခင်” လို့ နာမည်ပေးလိုက်ပါတယ်။ အမေသာရှိနေရင် အမေက သဘောတူမှာပဲလို့ အောက်မေ့လိုက်ပါတယ်။ နောက်ဆုံးအနေနဲ့ ကျွန်တော့်လက်ထဲကို ဒီစာမူလေးရောက်အောင် ပို့ပေးတဲ့လူတွေနဲ့ စာအုပ်လေးဖြစ်လာအောင် ဝိုင်းဝန်းကူညီပေးကြတဲ့ ကိုရဲငြိမ်းနဲ့ အလင်းအိမ်အဖွဲ့ စာပေစစ်သည်များကို အထူးကျေးဇူးတင်ရှိ ကြောင်း ဖော်ပြလိုက်ပါတယ်။ " ဖိုးသံ ( လူထု )