ကုသိုလ်အကျိုးပြတရားတော်များ

အကျဉ်းချုပ်

ပထမအကြိမ်ထုတ် စီစဉ်သူ၏ အမှာစာ ပါဠိပါရဂူဦးအောင်မိုးကို ၁၉၅ဝ ပြည့်နှစ်ခန့်၌ ပိဋကတ်တော်များကို မြန်မာပြန် ရန် စတင်ဆောင်ရွက်ခဲ့စဉ်မှ စ၍ သုဓမ္မဝတီ ဦးပန်းမောင်ကို အကြောင်းပြုပြီး သိရှိန ပါသည်။ ထိုအချိန်မှစ၍ ကျွန်တော်နှင့် ရင်းနှီးခဲ့ကာ ပိဋကတ်တော်များကို မြန်မာပြန်ခဲ့ရာ မဇ္ဈိမနိကာယ်အထိ ပြီးစီးခဲ့သည့်အပြင် ဟိတောပဒေသပုံပြင်၊ မင်္ဂလာပုံပြင်၊ ပိဋကတ် အခြေပြုစာအုပ်များလည်း အတော်အသင့် ပြီးစီးခဲ့ပါသည်။ ထို့အပြင် ဆရာသည် တက္ကသိုလ်တွင် ဝင်ရောက် အမှုထမ်းစဉ်ကာလ၌လည်း ဝါသနာအလျောက် စာပေများကို ဆက်လက် ပြုစုခဲ့ပါသည်။ ယခု ဤစာအုပ်မှာ ဆရာ မကွယ်လွန်မီ အချိန်အတန်ကြာကပင် ပြီးစီးနေသော် လည်း စာအုပ်အဖြစ် မရောက်နိုင်ဘဲ ရှိခဲ့ရာ ယခုမှ ပါရမီစာပေ၏ ကျေးဇူးဖြင့် စာအုပ် ဖြစ်မြောက်ကာ စာဖတ်ပရိသတ်များအတွက် ဘုရားရှင် လက်ထက်တော်က တကယ့် အဖြစ်အပျက်များကို အထူးတင်ဆက် ကျေးဇူးပြုလိုက်နိုင်ပါကြောင်း တင်ပြပါသည်။