လပြည့်ဝန်း နှင့် ဆင်စွယ်ဘီးကလေး

အကျဉ်းချုပ်

အရေးအသား မှန်ကန်ပြီဆိုလျှင် နောက်တစ်ဆင့်အနေ နှင့် စာရေးသူ ဆိုလိုသော အဓိပ္ပာယ်ကို စာဖတ်သူ ရှင်းရှင်း လင်းလင်း နားလည်အောင်၊ စာဖတ်သူဆီ ချောချောမွေ့မွေ့ ပြေပြေပြစ်ပြစ် ရောက်အောင်၊ လိုရင်းကို အချိန်တိုတိုအတွင်း နားလည်အောင်၊ ရေးသည့်အကြောင်းအရာနှင့် လိုက်ဖက် ဆီလျော်အောင် ရေးသားနိုင်ရန် လိုအပ်သည်။ ရှင်းလင်းမှု၊ ပြေပြစ်မှု၊ ကျစ်လစ်မှု၊ လိုက်ဖက်မှုတို့သည် စာအရေးအသား ကောင်းရန် လက္ခာဏာများ ဖြစ်ပါသည်။ သို့သော် . အလေ့အလာအားနည်းမှု၊ အမှားကို အမှန်ထင်မှု၊ မကျွမ်းကျင်မှု၊ တည်းဖြတ်စိစစ်သည့်အပိုင်းတွင် အားနည်းမှု စသည့်အကြောင်းကြောင်းတို့ကြောင့် စာနယ်ဇင်းများတွင် စာအရေးအသား မမှန်ကန်မှု၊ မရှင်းလင်းမှု၊ မပြေပြစ်မှု၊ မကျစ်လျစ်မှု၊ မလိုက်ဖက်မှုများ အနည်းနှင့်အများ ရှိနေသည်ကို တွေ့မြင်နေရပါသည်။ ဤစာစုတွင် ထိုကိစ္စများနှင့် ပတ်သက်၍ သတိထား စရာများကို ပေါ့ပေါ့ပါးပါး ဆွေးနွေးထားသော စာများ ပါဝင်ပါသည်။ မောင်ခင်မင်(ဓနုဖြူ)