သူတို့အိမ် - ၁

အကျဉ်းချုပ်

ဟိုး....အရှေ့တောင်ထောင့်ယွန်းယွန်း မလှမ်းမကမ်းအရပ်ဆီမှာ ပုဂံမင်း၏ ခမည်းတော် သာယာဝတီမင်း ဓာတ်နန်းစံခဲ့ဖူးရာအရပ်ရှိသည်ဟု သိရသည်။ ထိုအနီးတဝိုက်တွင် လူနေအိမ်ခြေနည်းပါးလှပြီး မြေလွတ်တော်တော်များမှာက ဝါးရုံတောရိုင်းကြီးတွေဖြစ်၏။ ဝါးရုံတောရိုင်းကြီးတွေကို ခုတ်ထွင်ရှင်းလင်းပြီး ကြိုက်သလောက်နေရာယူကာ ခြံစည်းရိုးခတ်လိုက်လျှင် ကိုယ်ပိုင်မြေယာတစ်ကွက်ရရှိနိုင်သော်လည်း ရိုးဖြောင့်ခြိုးခြံပြီး သံယောဇဉ်ဖြင့် နေထိုင်စားသောက်လိုသော အညာသားဗမာလူမျိုးပီပီ၊ ဇနီးမောင်နှံသည် ရောက်နှင့်ပြီးမိတ်ဆွေ၏ ခြံဝင်းကျယ်ကြီးထဲ၌သာ အတူတကွ ပူပေါင်း နေထိုင်ခဲ့ကြတော့သည်။ ဤသို့ဖြင့်.....