မြေလွတ်၊ မြေလပ်နှင့် မြေရိုင်းများ စီမံခန့်ခွဲရေးဥပဒေနှင့် မြေယာဆောင်းပါးများ

ယခုစာအုပ်တွင် မြေလွတ်မြေရိုင်း စီမံခန့်ခွဲရေးအကြောင်း စာတမ်း ငယ်၊ မဂ္ဂဇင်း၊ ဂျာနယ်၊ လူမှုကွန်ယက် စာမျက်နှာများပေါ်၌ ကျွန်တော် ရေးသားခဲ့သည့် မြေယာအကြောင်း ဆောင်းပါးများနှင့် မြေလွတ်၊ မြေလပ် နှင့် မြေရိုင်း စီမံခန့်ခွဲရေးဥပဒေတို့ ပါဝင်ပါသည်။ သာမန်လူထု သိသင့် သိထိုက်သည့် မြေယာဆိုင်ရာ ဗဟုသုတများ ပါဝင်သကဲ့သို့ ပညာရှင်များ စဉ်းစားသင့်သည့် ပြဿနာများလည်း ပါဝင်ပါသည်။ ဤစာအုပ်ငယ်မှနေ၍ ယင်းပြဿနာအားလုံးအတွက် ပြီးပြည့်စုံသည့်အဖြေကို မျှော်လင့်ရန် မဖြစ် နိုင်ပါ။ အဘယ်ကြောင့်ဆိုသော် မြန်မာနိုင်ငံ၏ မြေယာပြဿနာများသည် နှစ်ကာလကြာမြင့်စွာ ဖြစ်ပွားနေခြင်းဖြစ်ပြီး နက်ရှိုင်းစွာလည်း အမြစ်တွယ် နေသောကြောင့် ဖြစ်ပါသည်။ သို့သော် ဤစာအုပ်ငယ်သည် ပြဿနာများ ဖြေရှင်းရာ၌ အုတ်တစ်ချပ်၊ သဲတစ်ပွင့် ဖြစ်မည်ဟု ယူဆပါသည်။

မြန်မာတို့ပြောနေကြ လက်သုံးစကားတွင် မေတ္တာ၊ ကရုဏာ၊ မုဒိတာ၊ ဥပေက္ခာဆိုသည့် ဗြဟ္မစိုရ်တရား လေးပါး ရှိပါသည်။ မြေယာပြဿနာများ တွင် ပါဝင်ပတ်သက်နေသည့်သူအားလုံး ထိုတရား လေးပါးကို လက်ကိုင်ထား ဖြေရှင်းကြမှသာ ပြဿနာပြေလည်မည်ဟု ယုံကြည်ပါသည်။ အလေးအနက် ထား ပြောကြားလိုသည်မှာ ထိုတရားလေးပါးတွင် ဥပေက္ခာတရားသည်လည်း တစ်ပါးအပါအဝင်ဖြစ်၍ ထိုတရားသည် လက်တွေ့ကျင့်သုံးရာ၌ သိမ်မွေ့ သလောက် နက်နဲလှသည်ကို အထူးသတိပြုရပါ၏။

စာရေးသူ