အင်းလေးပုံပြင်များ (ဒုတိယတွဲ)

အကျဉ်းချုပ်

အင်းလေးပုံပြင် ပထမတွဲကို ၁၉၆၆ ခု နိုဝင်ဘာလက ထုတ်ဝေခဲ့ပါတယ်။ နှစ်အုပ်လုံးမှာပါတဲ့ ပုံပြင်တွေမှာ ပဒေသရာဇ် ခေတ်နဲ့ ဗြိတိသျှတို့ရဲ့ ကျွန်အဖြစ်နေခဲ့ရစဉ်က အခြေအနေများကို တွေ့နိုင်ပါလိမ့်မယ်။ အင်းလေး ရွာကြီးရွာငယ် ၁၅ဝ လောက်မှာ အစဉ်အဆက် ပြောခဲ့ကြတဲ့ ဒီပုံပြင်တွေအရ အင်းလေးဒေသမှာ ပြည်သူလူထု ဘယ်လိုပြောဆို နေထိုင်လုပ်ကိုင်စားသောက်ကြတယ်၊ ဘယ်လိုဓလေ့ထုံးစံတွေ ရှိခဲ့တယ်ဆိုတာတွေကို ကောင်းကောင်းကြီး သိနိုင်ပါမယ်။ အဲဒါအပြင် အင်းသားများ ဟာသပေါပုံကိုလည်း ကောင်းကောင်းကြီး မြင်နိုင်ပါလိမ့်မယ်။ အင်းလေးဒေသမှာ ပြောကြတဲ့ စကားတချို့ကို ဒီစာအုပ်မှာ ပါတဲ့ ပုံပြင်တချို့က ထုတ်နှုတ်ပြီး ဖော်ပြလိုက်ပါတယ်။ ဒေသ အလိုက် ပြောဆိုကြတဲ့ စကားတွေ၊ အသံထွက်၊ လေယူလေသိမ်း တွေကို လေ့လာနေသူများအတွက် အသုံးဝင်ပါလိမ့်မယ်။