စိမ်းလန်းသော မိသားစုများ

ဂီတမရှိတဲ့ အိမ်တွေဟာ

ပတ်ကြားအက်ကြီးတွေနဲ့ တူတယ်ဆိုတာ

တကယ်ပါပဲ သားရယ်။

အဖေရယ် အမေရယ် သမီးရယ် သားရယ်

ကိုယ့်ကိစ္စနဲ့ ကိုယ် ငုတ်တုတ်။

ဆေးလိပ်တစ်တိုနဲ့ ဖြစ်ချင်ဖြစ်မှာပေါ့။

အဝတ်ဟောင်းတစ်ပုံနဲ့ ဖြစ်ချင်ဖြစ်မှာပေါ့။ ဒါမှမဟုတ် ကျောင်းသင်ခန်းစာ တစ်အုပ်နဲ့ ဖြစ်ချင်လည်း ဖြစ်မှာပေါ့။ ဒါပေမယ့် သူတို့မှာ ဂီတမရှိ။ သူတို့အိမ်မှာ ဘာသီချင်းသံမှ မကြားရ။ သွေ့ခြောက်လို့ အုံ့မှိုင်းလို့ ဝါရော်လို့

ကန္တာရတွေလို အစိုဓာတ် တစ်စက်ကလေးမှ မရှိ။ ဖေဖေကတော့ သားရယ် ...

ကိုယ့်မိသားစုကိုယ် စိမ်းစိမ်းစိုစိုဖြစ်အောင် လုပ်ရတဲ့နေရာမှာ သီချင်းတွေလည်း လိုတယ်လို့ ထင်နေမိတာပါပဲ သားရယ်။