ခင်ပွန်းသည်တစ်ယောက်ရဲ့ မှတ်စုများ

အကျဉ်းချုပ်

ခြေခင်းလက်ခင်း သာယာလို့ ကိုယ်တို့မိသားစုတွေ လမ်းလျှောက်ထွက်ဖြစ်တဲ့အခါ အသက်ကို စနစ်တကျနဲ့ သေသေချာချာရှူဖို့ ကိုယ် တတွတ်တွတ်နဲ့ တိုက်တွန်းတတ်တာလေး မန္တလေးကျုံးနံဘေးကိုပဲ ရောက်ရောက်၊ ချောင်းသာကမ်းခြေကိုပဲ ရောက်ရောက်၊ အင်းလျားကန်ပေါင်ရိုးကိုပဲ ရောက်ရောက်၊ မိတ္ထီလာကန်ပတ်လမ်းကိုပဲ ရောက်ရောက်၊ ပုဂံညောင်ဦးတစ်ဝိုက် ထနောင်းပင်တန်းရှိရာကိုပဲ ရောက်ရောက်၊ မြို့ပြင်ရွာပြင်က လယ်ကွင်းပြင်ကြီးတွေ ရှိရာဆီကိုပဲ ရောက်ရောက် ဝင်နေရာရာမှာရပ်ပြီး ကိုယ်ကတော့ လေကို တအားရှူခိုင်းတာပဲ။