Happiness is Your Right ပျော်ရွှင်ဖို့က မင်းအခွင့်အရေးပဲ

အကျဉ်းချုပ်

လောဘကိုရှေ့တန်းမတင်ပါနဲ့ လောဘရဲ့ရလိုမှုကြောင့်လည်း ပျော်ရွှင်မှုတွေပျက်စီးစေပါတယ်။ ဒေါသရဲ့ထိန်းချုပ်မှုမရှိခြင်းကြောင်းလည်း ပျော်ရွှင်မှုက ပျက်စီးစေတယ်။ မောဟရဲ့လုပ်သင့်တာနဲ့ မလုပ်သင့်တာကိုခွဲခြားမသိမြင်တဲ့ အတွက် ကြောင့်လည်း ပျော်ရွှင်မှုတွေပျက်စီးစေတယ်။ ပျော်ရွှင်မှုကို တခြား အကြောင်းအရာတွေကြောင့်လည်း ပျက်စီးစေတတ်ပါတယ်။ သို့သော် လည်း အဖြစ်များတဲ့စိတ်တွေကို သတိနဲ့ဆင်ခြင်ရင် ဆင်ခြင်နိုင် သလောက် အကျိုးထူးပါလိမ့်မယ်။ ရှင်သန်နေထိုင်မှုကို ကျေနပ်နေမယ်၊ လုပ်ကိုင်ဆောင်ရွက်နေတဲ့ အလုပ်ကိုကျေနပ်နေမယ်။ နေထိုင်မှုပုံစံကလည်းကောင်းသောနေထိုင်မှု ဖြစ်မယ်။ လုပ်ကိုင်တဲ့အလုပ်ကလည်း ကောင်းတဲ့အလုပ်ဖြစ်မယ်။ ပြောတဲ့စကားလည်း ကောင်းတဲ့စကားဖြစ်မယ်။ ကိုယ်ရဲ့နေထိုင်မှုပုံစံ၊ ကိုယ်လုပ်နေတဲ့အလုပ်၊ ကိုယ်ပြောခဲ့တဲ့စကားတွေဟာ ဘယ်အချိန်မှာ ဖြစ်ဖြစ် နောင်တတစ်ဖန် ပူပန်နေရတာမျိုးမဖြစ်ဖို့လိုတယ်။ လက်ရှိအချိန်မှာ ပျော်ရွှင်စွာနေထိုင်မယ်လို့ ခိုင်မာတဲ့ဆုံးဖြတ်ချက် ချမှတ်နိုင်မယ် ဆိုရင် အနာဂတ်မှာလည်း ပျော်ရွှင်စွာရှင်သန်နေထိုင်ရမှာပါ။