လေနှင့် အတူ

အကျဉ်းချုပ်

မိတ်ဆက် ချို့လည်း မှတ်မိကြပါလိမ့်မည်။ ၁၉၅၃ ခုနှစ်၊ ဇူလိုင်လ ၂၈ ရက်နေ့တွင် ရန်ကုန်၊ မင်းမနိုင်ကွက်သစ်၌ ဖြစ်ပွားသော တဲအိမ်ဖျက် အဓိကရုဏ်းနှင့်ပတ်သက်၍ သတင်းမှားတစ်ရပ်ကို ထည့်သွင်းပုံနှိပ် ဖော်ပြသည်ဆိုကာ ထိုနှစ် သြဂုတ်လ ၇ ရက်နေ့က ကျွန်တော်တို့၏ လူထုသတင်းစာတိုက်ကို ချိပ်ပိတ်ပြီး ကျွန်တော့် အားလည်း အစိုးရတို့က ၁၉၅၀ ခု၊ အရေးပေါ်စီမံမှု ဥပဒေပုဒ်မ ၅ (ဃ) (င) အရ ဖမ်းပါသည်။ မြို့မမှ ထောင်ကြီးချုပ်သို့ မြို့မရဲဌာနတွင် တစ်ညဉ့်အိပ်ပြီးနောက် ကျွန်တော်၏ ရှေ့နေ ရှေ့ရပ်များဖြစ်ကြသော ဝတ်လုံကြီး မစ္စတာဘို့စ်၊ ဦးမြစိန်နှင့် အခြားမိတ်ဆွေရှေ့နေကြီးများက ကျွန်တော် အာမခံရရေးအတွက် ကြိုးပမ်းကြပါသည်။ အောက်ရုံးက မပေးပါ။ ထို့ကြောင့် ကျွန်တော့် အား မြို့မအချုပ်မှ မန္တလေးထောင်ကြီးသို့ ပြောင်းရွှေ့၍ ချုပ်နှောင် ထားကြပါသည်။