သမီးကောင်းရတနာနှင့် အမျိူးသမီးဂုဏ်ရည်

အကျဉ်းချုပ်

သား မိဘများကို သန်းခေါင်စာရင်းကောက်လျှင် စနေသား ကြောင့် ဒုက္ခမရောက်၊ မိစုံဖစုံနှင့် ကြီးပွားတိုးတက်၍ ဘဝဖြောင့်ဖြူးသော မိဘပေါင်းများစွာကို တွေ့မြင်နိုင်မည် ဖြစ်ပေသည်။ မိမိအနီးပတ်ဝန်းကျင်မှာပင် ထိုသို့သော သာဓက တွေ့မြင်ရရန် ခက်ခဲလှမည် မဟုတ်ပေ။ မည်သည့်နေ့တွင် မွေးသည်ဖြစ်စေ ရင်သွေးသည် ရင်သွေးသာ ဖြစ်သည်။ ခြေလက်အင်္ဂါမစုံသူ၊ သဘာဝလွန် မွေးဖွားလာသူများကိုပင် စွန့်ပစ်ရန် မစဉ်းစားဘဲ ချစ်မြတ်နိုး စွာ မွေးမြူကြသော မိဘများ မရေမတွက်နိုင်အောင် ရှိ ပေသည်။ အချုပ်အားဖြင့် သမီးမိန်းကလေးကို မွေးဖွားလာ ကတည်းက သံသယစိတ်ကင်းကင်းဖြင့် စိုးရိမ်ကြောင့်ကြ ရင်မ,စရာ မလိုဘဲ မြတ်မြတ်နိုးနိုး ပြုစုစောင့်ရှောက် မွေးမြူ ကြရန်သာ လိုပေသည်။