ချစ်သမီးဆောင်းဆောင်းသို့ အလိမ္မာစာ

အကျဉ်းချုပ်

သမီးလိုကလေးတွေ၊ ကျွန်တော်တို့လို မိဘတွေအများကြီးရှိပါတယ်။ ပုံစံအမျိုးမျိုးရှိကြပေမယ့် တူညီတာတစ်ခုက တော့ ကျောင်းတွေပိတ်ထားတဲ့ကာလမှာ ကလေးအများစုက ဖုန်းစွဲလန်း ခြင်းပဲ ဖြစ်ပါတယ်။ အခု ဒီစာအုပ်မှာဆိုရင် သမီးကို နေ့စဉ်ပြောဖြစ်တဲ့ စကားတွေကို ဆောင်းပါးတစ်ပုဒ်အဖြစ် ရေးဖွဲ့ထားပါတယ်။ ဒီအထဲမှာ သမီးရဲ့ဖုန်းစွဲနေတဲ့ပြဿနာကို ကျွန်တော်ဖြေရှင်းခဲ့ပုံ ပါပါတယ်။ ဖုန်းမသုံးနဲ့လို့ အလုံးစုံပိတ်ပင်လို့တော့ မရပါ။ တဖြည်းဖြည်းချင်း လျှော့ချလာတာပါ။ မိဘတွေအနေနဲ့လည်း လုံးဝပိတ်ပင်ဖို့ထက် တဖြည်း ဖြည်းချင်း လျှော့ချမှုကို ပြုလုပ်စေချင်ပါတယ်။ ကျွန်တော်ကတော့ ဖုန်း တစ်နာရီသုံးရင် စာဖတ်တာကို တစ်နာရီဖတ်ရမယ်။ နောက်ပြီး မျက်စိကို တစ်နာရီအနားပေးရမယ်လို့ ကနဦးလျှော့ချခဲ့ပါတယ်။ လုံးဝဖုန်းမသုံးနဲ့လို့ ပိတ်ပင်တဲ့အခါမှာ ကလေးတွေက ခိုးသုံးတတ် ပါတယ်။ ကလေးတွေ ခိုးသုံးတာဟာ မိဘမသိအောင်လုပ်တဲ့ အခြားနည်း တွေကို တတ်သွားတတ်ပါတယ်။ ကျွန်တော်သိသလောက်၊ ကျွန်တော်မြင် သလောက် သမီးကိုဆုံးမတဲ့စာတွေကို ရေးသားထားပါတယ်။ အခြားမိဘ ချစ်သမီးဆောင်းဆောင်းသို့ အလိမ္မာစာ တွေ၊ ကလေးတွေအတွက်လည်း အထောက်အပံ့တစ်စုံတစ်ခုဖြစ်မယ်လို့ ကျွန်တော်မျှော်လင့်ပါတယ်။