ဗုဒ္ဓဝါရ လူကျင့်စဉ်များ

အကျဉ်းချုပ်

မဆန့်ကျင်စေမှုကိုသာ အဓိကထားပြီးလျှင် ဗုဒ္ဓ၏ အဆုံးအမ များကို လောကအမြင်ဖြင့် သုံးသပ်ခင်းကျင်းကာ ထောက်ခံ မွှမ်းဖွဲ့သည့်အနေဖြင့် ရေးသားဖော်ပြထားပေသည်။ ဤသို့ ရေးသားခြင်းသည် ညွှန်ပြချက် တစ်ရပ်စီနှင့်ပတ်သက်၍ အကျိုး အကြောင်း အခြေခံတို့ကို ဘဝနှင့် ဟပ်စပ်၍ ခိုင်မာကျယ်ပြန့်စွာ ရှုမြင်နိုင်စေရန်နှင့် ဗုဒ္ဓ၏ အဆုံးအမများသည် ယနေ့ လူမှု အမြင်၌ပင်လျှင် မည်မျှ ခိုင်မာမှန်ကန် အကျိုးပြုနိုင်သည်ကို ကောင်းစွာ သဘောသက်ဝင်စေရန်ပင် ဖြစ်ပေသည်။ သက်ဆိုင်ရာ ဗုဒ္ဓ၏ ဟောကြားချက် စကားရင်းတို့ကိုမူ ပိဋကတ်ပါဠိတော်၊ နိဿယနှင့် မြန်မာပြန်ကျမ်းများတွင် အပြည့် အစုံ ဖတ်ရှုနိုင်သဖြင့် ထိုက်သင့်ရာ သုတ်တို့ကိုသာလျှင် ပြညွှန်း ထားပေသည်။ မည်သို့ပင်ဖြစ်စေ ဗုဒ္ဓ၏ လောကအကျိုးပြု အဆုံး အမတို့သည် နောက်ဆုံးတွင် လောကမှ ထွက်မြောက်ကြောင်း အတွက် အမြင်မှန်မှု၊ အကျင့်မှန်မှု၊ အခြေခံမှန်မှုတို့အတွက် အထောက်အပံ့ပြုသည်သာ ဖြစ်ပေသည်။ ကျွန်ုပ်တို့သည် ဗုဒ္ဓ၏ သွန်သင်ညွှန်ပြချက်များကို လိုက်နာခြင်းဖြင့် လူ့လောက၏ ကြီးပွားတိုးတက်မှုကို အားထုတ်နိုင်ကြလိမ့်မည်ဟူ၍ပင် ယုံ ကြည်ပေသည်။