လေးစားပါတယ်ဘဝတန်ဘိုးအထီးကျန်ဘဝမှလွတ်မြောက်ခြင်း

အကျဉ်းချုပ်

မိမိကိုယ်ကို လေးစားမှုနဲ့ သူတစ်ပါးကိုလေးစားမှုဟာ ဘာသာတရားရဲ့ အခြေခံ ဖြစ်တယ်၊ လူမှုရေးရဲ့ အခြေခံဖြစ်တယ်၊ စိတ်ကျန်းမာရေးအတွက် မရှိမဖြစ်တဲ့အရာ ဖြစ်တယ်။ မိမိကိုယ်ကို မလေးစားတဲ့သူ လောက လူအများကို မလေးစားတဲ့သူဟာ မိမိအကျိုး အများအကျိုးတို့ကို ဆောင်ရွက်နိုင်တဲ့သူ မဖြစ်နိုင်ဘူး။ မိမိကိုယ်ကို မလေစားတဲ့သူ သူတစ်ပါးကို မလေးစားတဲ့သူဟာ ဖျက်ဆီးတဲ့သူဘဲ ဖြစ်မယ်။ မိမိကိုယ်ကို လေးစားမှု နှင့် အခြားသူများကို လေးစားခြင်းသည် ကောင်းမွန်သော အသိုင်းအဝိုင်းအတွက် အခြေခံ ဖြစ်သည်။ မိမိကိုယ်ကို လေးစားမှုနဲ့ အများကိုလေးစားမှုဟာ ကောင်းတဲ့ လူ့အသိုင်း အဝိုင်းရဲ့ အခြေခံ ဖြစ်တယ်။ လေးစားနိုင်တဲ့စိတ်ဟာ ရင့်ကျက်တဲ့စိတ်ဖြစ်ပါတယ်။ ခိုင်မာတဲ့စိတ် ဖြစ်ပါတယ်။ ကိုယ့်ကိုယ်ကို ကိုယ် ယုံကြည်တဲ့သူဟာ ကိုယ့်ကိုယ်ကို ကိုယ် လေးစားတယ်၊ အများကိုလည်း လေးစားတယ်။ ကိုယ့်ကိုယ်ကိုယ် မယုံကြည်တဲ့သူဟာ ကိုယ့်ကိုယ်ကိုကိုယ် မလေးစားနိုင်ဘူး၊ အများကိုလည်း မလေးစားနိုင်ဘူး။ ဘဝကို တန်ဖိုးရှိအောင်နေချင်တယ်ဆိုရင် အချိန်တိုင်းကို တန်ဖိုးရှိအောင် နေရမယ်။ လုပ်သမျှကိစ္စတွေကို တန်ဖိုးထားတဲ့စိတ်နဲ့ လုပ်ရမယ်။ အကောင်းဆုံး ဖြစ်အောင် အတတ်နိုင်ဆုံးကြိုးစားရမယ်။