ဘဝနှင့် နိဗ္ဗာန်

အကျဉ်းချုပ်

မဟာဝိသုဒ္ဓါရုံ ဇယမေဒနီ ဝါဆိုဆရာတော် ဥုးအဂ္ဂိယနှင့် စည်ရှင်ကျောင်း ဥုးအဂ္ဂဉာနာဘိဝံသတို့က ရေးပြီး စာမူကို ကူညီ ကြည့်ရှု ဝေဖန်ပေးကြပါသည်။ ပါဠိ၊ သက္ကတဘာသာရပ်၌ အထက်တန်းကျကျ ကျွမ်းကျင်သည့် ရဟန်းပညာရှိ များကပင် အလေးပြု ဂရုစိုက်ခြင်း ခံရသည့် မြန်မာ၊ ပါဠိ၊ သက္ကတ၊ ပါကတ၊ ဟိန္ဒူ၊ အင်္ဂလိပ်ဘာသာ ပညာရှင် ဦးဆန်းထွန်း (မန်းတက္ကသိုလ်) က နိဒါန်းအတွက် တာဝန်ယူ ကူညီပါသည်။ ထို့ကြောင့် ဖော်ပြပြီး ရဟန်းရှင်လူ၊ ဆရာသမား၊ မိတ်ဆွေများအား ကျေးဇူးတင် ကြောင်း မှတ်တမ်းပြုပါသည်။ အထူးအားဖြင့် ဤစာအုပ်၌ လေးနက်လှသည့် ‘ဘဝ၊ နိဗ္ဗာန်၊ ကံ၊ သိက္ခာ”တို့၏ သဘောတရားတို့ကို ရှင်းလင်းတင်ပြထားသည် ဖြစ်ရာ မည်မျှပေါ်လွင်အောင် ရှင်းလင်း သည်ဖြစ်စေ ချက်ချင်းလက်ငင်း အသိဉာဏ် ရှင်းသွားရန်ကား အခက်အခဲ ရှိနေဦးမည်သာ ဖြစ်ပါသည်။