ကျွန်တော် သတင်းထောက်

အကျဉ်းချုပ်

လောကအတွေ့အကြုံတွေကို နောင်လာနောက်သားတွေသိဖို့ စေတနာ ကြီးကြီးနဲ့ အများကြီး ပြောပြထားကြပါပြီ။ တိုင်းပြည်ရေးရာဆိုင်တာ တွေလည်းပါရဲ့၊ လူမှုရေးကိစ္စတွေလည်း အများကြီး၊ သတင်းစာ အချင်းချင်းပြိုင်ကြ၊ ဆိုင်ကြ စောင်းကြ မြောင်းကြ တိုက်ကြ ခိုက်ကြ ပုံတွေ၊ ပုဂ္ဂိုလ်ချင်းကိစ္စတွေကစပြီး အကြောင်းအရာတွေ အင်မတန်စုံ ပါတယ်။ လွန်ခဲ့တာပဲဖြစ်ဖြစ်၊ မျက်မှောက်ကအကြောင်းအရာပဲဖြစ်ဖြစ် ဘယ်အရာဘာကိစ္စမှာမဆို ဝေဖန်လေ့လာသုံးသပ်ကြမှသာ တိုးတက် မှုရှိမှာ၊ ပညာရကြ၊ သင်ခန်းစာယူစရာတွေ့ကြမှာကြောင့် ဒီစာအုပ်မှာ ဝေဖန်လေ့လာစရာအချက်တွေအများကြီးရကြတယ်လို့ ယူဆကြစေ လိုပါတယ်။ ကျွန်တော့်နောင်ကြီး သတင်းထောက်ကြီး ၇ ဦးကတော့ မချန်မခြွင်း ပွင့်ပွင့်လင်းလင်း ပြောပြထားကြပါပြီ။