စာဆိုပညာရှိ ကာလိဒါသ ၏ ဘဝအတွေ့အကြုံများ (ပထမပိုင်း)

အကျဉ်းချုပ်

စာဆိုတော် ကာလိဒါသ၏ ဘဝအတွေ့အကြုံများ ပထမတွဲနဲ့ ဒုတိယတွဲကို လူထုစာအုပ်တိုက်က လွန်ခဲ့တဲ့ အနှစ် (၅ဝ)၊ ၁၉၆ဝ နဲ့ ၁၉၆၁ ခုနှစ်များက ထုတ်ဝေခဲ့တာပါ။ လူထုဦးလှက အဲဒီအချိန်က နေ့စဉ် ထုတ် လူထုသတင်းစာမှာ သူ့ရဲ့ ပင်တိုင်ကဏ္ဍတစ်ခုဖြစ်တဲ့ “ သောင်းပြောင်းထွေလာ ရေးချင်ရာရာ” ခန်းမှာ အခန်းဆက်ရေးသား ခဲ့တာတွေကို စုပေါင်းထုတ်ဝေထားတာပါ။ ကာလိဒါသဆိုတာ လွန်ခဲ့တဲ့ နှစ်ပေါင်း (၂ဝဝဝ) ကျော်လောက် က အိန္ဒိယပြည်မှာ ပေါ်ထွန်းခဲ့တဲ့ ဗြဟ္မဏစာဆိုတော်ကြီးတစ်ဦးပါ။ ကာလိဒါသဟာ စွယ်စုံနှံ့သိ ပညာရှိတစ်ဦးဖြစ်တဲ့အတွက် သိသင့် သိထိုက်ရာများကိုလည်း မကွယ်မဝှက် ထုတ်ဖော်ရေးသားခဲ့ပါတယ်။ ဒါ့ကြောင့် အချို့က ကာလိဒါသကို အခြားဂုဏ်ပုဒ်တစ်မျိုးနဲ့ ထုတ်ဖော် ချီးကျူးခဲ့ကြပါတယ်။ ဘာပဲဖြစ်ဖြစ် ကာလိဒါသပြုစုရေးသားခဲ့တဲ့ သကုဏ္ဍလဝတ္ထုကြီး နဲ့´မေဃဒူတ (မိုးတိမ်တမန်) ကဗျာရှည်ကြီးတို့ဟာ ယနေ့ထက်တိုင် ကမ္ဘာ့ဂန္ထဝင်မှာ စံတင်နေကြရဆဲပါ။ စာဆိုပညာရှိ ကာလိဒါသရဲ့ ဘဝအတွေ့အကြုံများကတော့ ဓာရာတိုင်းရှင် ဘုရင်မင်းမြတ်က မေးမြန်းတဲ့ ခက်ခဲတဲ့ပုစ္ဆာများသာမက လောကီလူ့ဘောင်အတွင်းက အခြားအရှုပ်အရှင်းများကိုပါ ဖြေရှင်းခဲ့တဲ့ ပုံပြင်ဝတ္ထုများဖြစ်တဲ့အတွက် စာဖတ်သူတို့ ဗဟုသုတ တိုးပွားစေ