စစ်ပြီးစက ထောင်တံခါး

အကျဉ်းချုပ်

အရင် ကျွန်တော်ရေးသားခဲ့တဲ့ စာအုပ်များမှာနဲ့မတူ၊ ဒီစာအုပ်မှာ ထောင်ထဲရောက်ကြရတဲ့ အမျိုးသမီးတချို့ရဲ့ အကြောင်းများလည်း ဖော်ပြလိုက်ပါတယ်။ သူတို့နဲ့ပတ်သက်တဲ့ ပြဿနာများကိုလည်း လေးလေးနက်နက် စဉ်းစားကြရမယ့်အချိန် ဖြစ်ပါတယ်။ ပြည်ထောင်စု တိုင်းရင်းသားတွေအားလုံး ဆိုရှယ်လစ်နိုင်ငံ ထူထောင်အောင်မြင်ရေးအတွက် အစွမ်းကုန် လုံးပန်းချီတက်နေကြတဲ့ ဒီအချိန်မှာ ရာဇဝတ်မှုခင်းနည်းပါးဖို့ ပပျောက်ဖို့ဆိုတာ အရေးကြီးတဲ့ အချက်တစ်ချက်ဖြစ်တယ်။ အရွယ်ကောင်းကလေးတွေ တော်တော် များများ ဒီလို ထောင်ထဲရောက်မနေဘဲ လယ်ယာကိုင်းကျွန်းထဲ၊ အလုပ်ရုံ စက်ရုံများထဲမှာ အလုပ်လုပ်နေကြမယ်ဆိုရင် တိုင်းပြည် အမျိုးသားများအတွက် အထူးပင် အကျိုးများနိုင်မှာမို့ စီးပွားရေး၊ပညာရေး၊ လူမှုရေးလုပ်ငန်းများမှာ ပြည်သူတစ်ရပ်လုံး နိုးနိုးကြားကြား အားသွန်ခွန်စိုက် ပါဝင်ဆင်နွှဲရင်း မှုခင်းတားဆီးရေး လုပ်ငန်းများမှာပါ ဥစ္စာရင်လို ဥစ္စာရင်ခဲကြဖို့ တိုက်တွန်းနှိုးဆော်လိုက်ပါတယ်။